നെടുമ്പാശേരി: അത്താണിയിൽ റോഡ് മുറിച്ചുകടക്കുന്നതിനിടെ ബൈക്കിടിച്ച് പരിക്കേറ്റ വൃദ്ധൻ മരിച്ചു. അങ്കമാലി ടെൽക്ക് റിട്ട. ജീവനക്കാരൻ നെടുമ്പാശേരി അത്താണി ഐശ്വര്യ നഗർ ഇളംതുരുത്തി ഇ.കെ.ഭാസ്‌കരൻ (73) ആണ് മരിച്ചത്.വ്യാഴാഴ്ച രാത്രി എട്ടുമണിയോടെയായിരുന്നു അപകടം. ഉടൻതന്നെ അങ്കമാലി എൽ.എഫ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഭാര്യ: സീത. മക്കൾ: സ്മിത, സവിത, സവീൻ. മരുമക്കൾ: സതീശൻ, അജി, ഷാലിമ. മൃതദേഹം താലൂക്ക് ആശുപത്രിയിൽ പോസ്റ്റുമോർട്ടത്തിന് ശേഷം ബന്ധുക്കൾക്ക് വിട്ടുകൊടുത്തു. സംസ്‌കാരം ഇന്ന് രാവിലെ 11ന് പുത്തൻകുരിശ് പെന്തക്കോസ്ത് ദേവാലയ സെമിത്തേരിയിൽ.