പൂവാർ: ശ്രീനാരായണ ഗുരുദേവൻ ബാലാലയ പ്രതിഷ്ഠ നടത്തിയ അരുമാനൂർ ശ്രീ നയിനാർ ദേവ ക്ഷേത്രത്തിലെ 86-ാമത് വാർഷിക മഹോത്സവം ജനുവരി 22ന് കൊടിയേറി 31ന് സമാപിക്കും. 22ന് രാവിലെ 8.45ന് പൊങ്കാല വഴിപാട്, 10ന് തൃക്കൊടിയേറ്റ്, രാത്രി 7ന് സമ്മേളനം മന്ത്രി കടന്നപ്പള്ളി രാമചന്ദ്രൻ ഉദ്ഘാടനം ചെയ്യും. 9.30ന് കൊല്ലം കാളിദാസ കലാകേന്ദ്രം അവതരിപ്പിക്കുന്ന നാടകം 'അമ്മ'.

23ന് രാവിലെ 6ന് ഹാലാസ്യ മാഹാത്മ്യ പാരായണം ആരംഭം, രാത്രി 7ന് നൃത്ത നിശ, 9.30ന് വസന്തകുമാർ സാംബശിവന്റെ കഥാപ്രസംഗം 'ചങ്ങമ്പുഴയുടെ ദേവത'. 24ന് വൈകിട്ട് 6.50ന് താലപ്പൊലി ഘോഷയാത്ര, രാത്രി 7.30ന് സംഗീത സദസ്, 9.30ന് കോഴിക്കോട് സങ്കീർത്തനയുടെ നാടകം 'വേനലവധി'. 25ന് രാത്രി 7ന് കലാസാംസ്കാരിക സമ്മേളനം മന്ത്രി കടകംപള്ളി സുരേന്ദ്രൻ ഉദ്ഘാടനം ചെയ്യും. 9.30ന് തിരുവനന്തപുരം ദൃശ്യവേദിയുടെ നാടൻ പാട്ട് 'കളിയാട്ടക്കാലം 2'. 26ന് വൈകിട്ട് 5.15ന് ശിശുസമ്മേളനം, രാത്രി 7.30ന് നൃത്തനൃത്യങ്ങൾ, 9.30ന് തിരുവനന്തപുരം മമതയുടെ നാടകം 'സ്നേഹമരത്തണൽ'. 27ന് രാത്രി 7ന് കവിയരങ്ങ്, 9.30ന് കായംകുളം കെ.പി.എ.സിയുടെ നാടകം 'മഹാകവി കാളിദാസൻ'. 28ന് രാത്രി 7ന് ശ്രീനാരായണ ധർമ്മ പ്രചാരണ സമ്മേളനം മന്ത്രി കെ.രാജു ഉദ്ഘാടനം ചെയ്യും. 10ന് തിരുമലചന്ദ്രൻ നയിക്കുന്ന കോമഡി ഉത്സവം.

29ന് രാത്രി 10ന് സിനിമാതാരം അനുശ്രീയും പിന്നണി ഗായകൻ വിധുപ്രതാപും നയിക്കുന്ന സംഗീത നൃത്ത ഹാസ്യവിസ്മയം 'താരപ്പകിട്ട് ' മെഗാഷോ. 30ന് രാത്രി 8ന് തിരുവനന്തപുരം ട്രാക്സിന്റെ ഗാനമേള. 31ന് രാവിലെ 7ന് കാവടി ഘോഷയാത്ര, ഉച്ചയ്ക്ക് 2ന് ഓട്ടൻതുള്ളൽ, വൈകിട്ട് 4ന് ആറാട്ടിനെഴുന്നള്ളിപ്പ്, രാത്രി 11.22ന് ആറാട്ട്, 3ന് തൃക്കൊടിയിറക്ക്, 4ന് വെടിക്കെട്ട്.