തിരുവനന്തപുരം: ചിത്രകാരിയും ശ്രീവരാഹം വി.കെ.കെ നഗർ 24 എ യിൽ റിട്ട. എൻജിനിയർ ഇ. രവീന്ദ്രനാഥന്റെ ഭാര്യ ഗിരിജാ രവീന്ദ്രനാഥൻ (66) നിര്യാതയായി. സംഗീതസംവിധായകനായിരുന്ന എം.ജി രാധാകൃഷ്ണന്റെ ഭാര്യാ പത്മജയുടെ ഇരട്ട സഹോദരിയാണ് ഗിരിജ. ഡെങ്കിപ്പനി ബാധിച്ച് തിരുവനന്തപുരത്തെ സ്വകാര്യ ആശുപത്രിയിൽ ചികിത്സയിലിരിക്കെ ഹൃദയാഘാതത്തെ തുടർന്നാണ് അന്ത്യം.
സംസ്കാരം ഇന്ന് (ഞായർ) ഉച്ചയ്ക്ക് 3ന് ശാന്തികവാടത്തിൽ.
വിദ്യാർത്ഥിയായിരുന്ന കാലഘട്ടത്തിൽ കഥകളെഴുതി സാഹിത്യലോകത്ത് ഇടം കണ്ടെത്തിയ ഗിരിജ നൃത്തവേദികളിലും ചിത്രരചനയിലും വ്യക്തിമുദ്ര പതിപ്പിച്ചു. നിരവധി ചിത്രപ്രദർശനങ്ങൾ സംഘടിപ്പിച്ചിട്ടുണ്ട്. 1970കളിൽ വഴുതക്കാട് വിമെൻസ് കോളേജിൽ വിദ്യാർത്ഥികളായിരിക്കെ കേരള സർവകലാശാല കലോത്സവങ്ങളിലെ നിറസാന്നിദ്ധ്യമായിരുന്നു ഗിരിജ-പത്മജ സഹോദരിമാർ. പരേതരായ ടി.ടി നീലകണ്ഠൻ നായർ- എം.പി അമ്മുക്കുട്ടിയമ്മ ദമ്പതികളുടെ മകളാണ്.
മക്കൾ: വിദ്യാ വാസുദേവൻ (യു.എസ്.എ), സ്മിതാ ഡെറിക്, സീമാ രവീന്ദ്രനാഥ്.
മരുമക്കൾ: വിനീത് വാസുദേവ് (യു.എസ്.എ), ഡെറിക് ശശിധരൻ (മരുത്വാ ഫാർമ)
മറ്റ് സഹോദരങ്ങൾ: പരേതയായ രാജലക്ഷ്മി, പരേതനായ എം.പി ചന്ദ്രശേഖരൻ (റിട്ട. പ്രിൻസിപ്പൽ, റീജിയണൽ എൻജിനിയറിംഗ് കോളേജ്, കോഴിക്കോട്), ഡോ. എം.പി ദിവാകരൻ (ഫിസിഷ്യൻ), എം.പി മുരളീധരൻ (റിട്ട.ജിയോളജിസ്റ്റ്),
ഫോട്ടോ: