തിരുവനന്തപുരം: ഉപരാഷ്ട്രപതിയുടെ കേരള സന്ദർശനത്തനോടനുബന്ധിച്ച് നഗരത്തിൽ നാളെ (30)​ ഗതാഗത നിയന്ത്രണം ഏർപ്പെടുത്തിയതായി സിറ്റി പൊലീസ് കമ്മിഷണർ എം.ആർ.അജിത് കുമാർ അറിയിച്ചു. നാളെ രാവിലെ 9 മുതൽ ഉച്ചയ്ക്ക് 11 വരെ എയർപോ‌ർട്ട്,​ ശംഖുംമുഖം, ആൾസെയിന്റ്സ്,​ ചാക്ക, കഴക്കൂട്ടം,​ വെട്ടുറോഡ് വരെയുള്ള റോഡിലും ഉച്ചയ്ക്ക് 2.30 മുതൽ വൈകിട്ട് 6വരെ വെട്ടുറോഡ്, കഴക്കൂട്ടം,​ ചാക്ക,​ പേട്ട, പാറ്റൂർ,​ ജനറൽ ആശുപത്രി,​ ആശാൻ സ്‌ക്വയർ,​ രക്തസാക്ഷി മണ്ഡപം, ആർ.ആർ ലാമ്പ്, മ്യൂസിയം, വെള്ളയമ്പലം,​ രാജ്ഭവൻ വരയുള്ള റോഡിലും നിയന്ത്രണമുണ്ടാകും. ഉച്ചയ്ക്ക് 3 മുതൽ 6 വരെ മണ്ണന്തല,​ നാലാഞ്ചിറ, പരുത്തിപ്പാറ,​ കേശവദാസപുരം വരെയുള്ള റോഡ‌ിന്റെ ഇരുവശങ്ങളിലും ഗതാഗത,​ പാർക്കിംഗ് നിയന്ത്രണങ്ങൾ ഉണ്ടാവും.

വാഹനങ്ങൾ വഴിതിരിച്ചുവിടുന്ന സ്ഥലങ്ങൾ
• എം. സി റോഡിൽ നിന്ന് സിറ്റിയിലേക്ക് വരുന്ന വാഹനങ്ങൾ മണ്ണന്തല ഭാഗത്ത് നിന്ന് തിരിഞ്ഞ് മുക്കോല - പേരൂർക്കട വഴി പോകണം

•കിഴക്കേകോട്ട/തമ്പാനൂർ ഭാഗങ്ങളിൽ നിന്ന് മണ്ണന്തല ഭാഗത്തേക്ക് പോകേണ്ട വാഹനങ്ങൾ കേശവദാസപുരം നിന്ന് തിരിഞ്ഞ് ഉള്ളൂർ ശ്രീകാര്യം വഴി പോകണം

നോ പാർക്കിംഗ് സ്ഥലങ്ങൾ
•ശംഖുംമുഖം - ചാക്ക ജംഗ്ഷൻ - പേട്ട - മ്യൂസിയം- രാജ്ഭവൻ വരെയുള്ള റോഡ്
•ശംഖുംമുഖം - ചാക്ക ജംഗ്ഷൻ – കുഴിവിള കഴക്കൂട്ടം - വെട്ടുറോഡ് വരെയുള്ള റോഡ്
•കേശവദാസപുരം –പരുത്തിപ്പാറ - നാലാഞ്ചിറ - മണ്ണന്തല വരയുള്ള റോഡ്
•എം.ജി കോളേജിന് ചുറ്റുമുള്ള റോഡ്

പാർക്ക് ചെയ്തിരിക്കുന്ന വാഹനങ്ങളിൽ ഡ്രൈവറോ ക്ളീനറോ ഉണ്ടായിരിക്കണം. വാഹനങ്ങൾ പൂട്ടിയിട്ട് പോകുന്ന അവസരങ്ങളിൽ ഉത്തരവാദിത്തപ്പെട്ടയാളുടെ ഫോൺ നമ്പർ വ്യക്തമായി കാണുന്ന രീതിയിൽ വാഹനത്തിൽ പ്രദർശിപ്പിക്കണം. വിവരങ്ങൾക്ക്: 0471-2558731, 0471-2558732.