ആറ്റിങ്ങൽ: ഡിസംബർ ഫെസ്റ്റിൽ അനർട്ട് ഒരുക്കിയ ഊർജ മിത്ര അക്ഷയ ഊർജ സേവന കേന്ദ്രത്തിൽ ഊർജം എങ്ങനെ സംരക്ഷിക്കാമെന്നുള്ള വിശദീകരണത്തോടൊപ്പം അനർട്ടിന്റെ ഊർജ സംരക്ഷണ സാമഗ്രികളും പരിചയപ്പെടുത്തുന്നു. സോളാർ പവർ പ്ലാന്റ്,​ ബയോഗ്യാസ് പ്ലാന്റ്,​ സോളാർ വാട്ടർ ഹീറ്റർ,​ സോളാർ റാന്തൽ,​ സോളാർ ഹോംലൈറ്റിംഗ് സിസ്റ്റം,​ സോളാർ തെരുവ് വിളക്കുകൾ എന്നിവയെക്കുറിച്ചുള്ള വിവരങ്ങൾ ഈ സ്റ്റാളിൽ ലഭ്യമാണ്. ഊർജ മിത്ര വില്പനാനന്തര സേവനവും അക്ഷയോർജ ഉപകരണങ്ങളുടെ മെയിന്റനൻസും സാങ്കേതിക വിദഗ്ദ്ധരുടെ സഹായവും എല്ലാ നിയോജക മണ്ഡലത്തിലും ഒരുക്കിയിട്ടുണ്ട്. ഇവ സംബന്ധിച്ച ലഘുലേഖയും സ്റ്റാളിൽ വിതരണം ചെയ്യുന്നുണ്ട്.