മാനന്തവാടി:കോണ്‍വെന്റില്‍ നിന്നും കാണാതായ ഇതര സംസ്ഥാന യുവതിയെ തൂങ്ങിമരിച്ച നിലയില്‍ കണ്ടെത്തി.മാനന്തവാടി കുറ്റിമൂല സെന്റ് അഗസ്റ്റിൻ കോൺവെന്റിലെ ജീവനക്കാരി ആസാം തുംഗ് ബാരി സ്വദേശിനിയായ മേരി (20) യെയാണ് തൂങ്ങിമരിച്ച നിലയിൽ കണ്ടെത്തിയത്. കഴിഞ്ഞ ദിവസം രാത്രി മുതൽ യുവതിയെ കാണ്മാനില്ലെന്ന് കാണിച്ച് കോൺവെന്റ് അധികൃതർ പൊലീസിൽ പരാതി നൽകിയിരുന്നു. മാനന്തവാടി പൊലീസ് കേസെടുത്ത് അന്വേഷണം നടത്തിവരികയായിരുന്നു. ഇന്നലെ രാവിലെ കോൺവെന്റിന് പുറകിലെ തോട്ടത്തിലെ കശുമാവിൽ മേരിയെ തൂങ്ങി മരിച്ച നിലയിൽ കണ്ടെത്തുകയായിരുന്നു. ആറ് മാസം മുമ്പാണ് മേരി കോൺവെന്റിലെത്തിയതെന്നും, രാത്രിയോടെ കാണാതായതിനെ തുടർന്നാണ് പൊലീസിൽ പരാതി നൽകിയതെന്നും കോൺവെന്റ് അധികൃതർ വ്യക്തമാക്കി.