ആലപ്പുഴ: പൊതുജനങ്ങളുടെ പരാതികളും അപേക്ഷകളും അതിവേഗത്തിൽ തീർപ്പാക്കുന്നതിന് കളക്ടറുടെ അമ്പലപ്പുഴ താലൂക്കിലെ പൊതുജന പരാതി പരിഹാര അദാലത്ത് 'സഫലം' 18ന് ജില്ല പഞ്ചായത്ത് ഹാളിൽ നടത്തും. എൽ.ആർ.എം കേസുകൾ, സർവേ ,പ്രളയം സംബന്ധമായ അപേക്ഷകൾ, ഭൂമിയുടെ തരമാറ്റം /പരിവർത്തനം, റേഷൻ കാർഡ് എന്നിവയൊഴികെയുള്ള എല്ലാ പരാതികളും അപേക്ഷകളും അദാലത്തിൽ സ്വീകരിക്കും. അദാലത്തിലേക്കായി അമ്പലപ്പുഴ താലൂക്കിലെ വില്ലേജോഫീസുകൾ, അമ്പലപ്പുഴ താലൂക്ക് ഓഫീസ്, ആർ.ഡി.ഒ ഓഫീസ്, കളക്ടറേറ്റ് എന്നിവിടങ്ങളിൽ 10ന് വൈകിട്ട് 5 വരെ അപേക്ഷകൾ നൽകാം.