കൊല്ലം: കായംകുളം കരിമുളയ്‌ക്കൽ സനാതന ധർമ്മ ഗുരുകുല ക്ഷേത്രത്തിന്റെയും പന്തിരുകുല സനാതന ധർമ്മ പരിപാലന സംഘത്തിന്റെയും ആഭിമുഖ്യത്തിൽ ദ്വിദിന പന്തിരുകുല ജ്ഞാന യജ്ഞവും മാനവ സാഹോദര്യ മഹാസംഗമവും ഫെബ്രുവരി 8, 9 തീയതികളിൽ ഓച്ചിറ പരബ്രഹ്മ ക്ഷേത്ര ആഡിറ്റോറിയത്തിൽ നടക്കുമെന്ന് സംഘാടകർ വാർത്താ സമ്മേളനത്തിൽ അറിയിച്ചു. 8 ന് രാവിലെ 11ന് കന്യാകുമാരി സ്വാമിത്തോപ്പ് പതിയുടെ അധിപതിയായ ബാല പ്രജാപതി അടികളാർ ഭദ്രദീപം തെളിയിക്കും. ഐ.എസ്.ആർ.ഒ മുൻ ചെയർമാൻ ജി.മാധവൻ നായർ മുഖ്യ പ്രഭാഷണം നടത്തും. സ്വാഗതസംഘം ചെയർമാനും തിരുവൈരാണിക്കുളം ക്ഷേത്ര ട്രസ്റ്റ് പ്രസിഡന്റുമായ അകവൂർ കുഞ്ഞനിയൻ നമ്പൂതിരിപ്പാട് അദ്ധ്യക്ഷത വഹിക്കും. 9ന് ഉച്ചയ്ക്ക് രണ്ടിന് നടക്കുന്ന പന്തിരുകുല മാനവ സാഹോദര്യ മഹാ സംഗമ സമ്മേളനം കൊടിക്കുന്നിൽ സുരേഷ് എം.പി ഉദ്ഘാടനം ചെയ്യും. എം.എൽ.എമാരായ ഒ.രാജഗോപാൽ, ആർ.രാമചന്ദ്രൻ, ആർ.രാജേഷ് എന്നിവർ പങ്കെടുക്കും.

സ്വാഗതസംഘം ചെയർമാൻ അകവൂർ കുഞ്ഞനിയൻ നമ്പൂതിരിപ്പാട്, പി.പി ഗോപി, എം.പി കുമാർ എന്നിവർ വാർത്താ സമ്മേളനത്തിൽ പങ്കെടുത്തു.