ആലപ്പുഴ: ജെ.സി​.ബി​ ഓടി​ക്കാൻ നൽകാത്തതി​ന്റെ പേരി​ൽ കനാൽ ശുചീകരണ തൊഴിലാളികളെ ആക്രമിക്കുകയും വാഹനങ്ങൾ തകർക്കുകയും ചെയ്ത സംഭവത്തിൽ രണ്ടു പേരെ ആലപ്പുഴ നോർത്ത് പൊലീസ് അറസ്റ്റ് ചെയ്തു. ആര്യാട് പഞ്ചായത്ത് 15-ാം വാർഡിൽ വള്ളപ്പാടി കോളനിയിൽ രജീഷ് രാജു (32) പുതുവൽ വീട്ടിൽ സൗമ്യരാജ് ( അജിത് -32) എന്നി​വരാണ് പി​ടി​യി​ലായത്. കഴിഞ്ഞ ദിവസം ഉച്ചയോടെ പൂങ്കാവ് ബണ്ടിനു സമീപം എ.എസ് കനാൽ ശുചീകരണത്തിനായി എത്തിയ മൂന്ന് തൊഴിലാളികളെ മർദ്ദി​ച്ച ഇവർ രണ്ടു വാഹനങ്ങളും ജെ.സി.ബിയും അടിച്ചു തകർക്കുകയും ചെയ്തു . മദ്യപി​ച്ചെത്തി​യ മൂന്നംഗ സംഘമാണ് ആക്രമണം നടത്തി​യത്. പരി​ക്കേറ്റ ജെ.സി ബി ഡ്രൈവർ തൊടുപുഴ സ്വദേശി അനൂപ് (36) ലോറി ഡ്രൈവർമാരായ കോതമംഗലം സ്വദേശി ജിബി(36) റാന്നി സ്വദേശി ജിബി (35) എന്നീവരെ പരി​ക്കുകളോടെ ജനറൽ ആശുപത്രിയിൽ പ്രവേശിപ്പിച്ചു.

രണ്ടു ലോറികളുടെ മുന്നിലെ ചില്ല് ഇരുമ്പ് വടി കൊണ്ട് അടിച്ചു തകർത്തു. ആക്രമണത്തെ തുടർന്ന് ഇന്നലെ കനാൽ ശുചീകരണ പ്രവൃത്തികൾ നിറുത്തി വച്ചു.