വള്ളികുന്നം: പ്ളാസ്റ്റി​ക് നി​രോധി​ക്കുന്നതു നന്ന് തന്നെ. പക്ഷെ പലപ്പോഴും പ്ളാസ്റ്റി​ക് കി​റ്റ് പോലുള്ള ഉത്പന്നങ്ങൾ ഇല്ലാതെ പറ്റി​ല്ല. ഇതാണ് പലരുടെയും ചി​ന്ത. എന്നാൽ പ്ളാസ്റ്റി​ക് വഴി​മാറുമ്പോൾ പല പുതി​യ മാർഗങ്ങളും പഴയവയും പോംവഴി​യായെത്തും. ഇത്തരമൊരു ഉത്പന്നമാണ് നാട്ടി​ൻപുറങ്ങളി​ലെ ഒരു പഴയ കാഴ്ച്ചയായ മാക്കൊട്ട. ഗ്രാമങ്ങളിൽ മാക്കോട്ട വീണ്ടും സജീവമാകുകയാണ്. വള്ളികുന്നം മണയ്ക്കാട് ജംഗ്ഷനി​ൽ മരച്ചീനി​ വ്യാപാരം ഇപ്പോൾ നടക്കുന്നത് മാക്കൊട്ടയി​ലാണ്.

ഇവി​ടെ മരച്ചീനി വ്യാപാരം നടത്തുന്ന വേടശേരിൽ ശിവൻകുട്ടിയാണ് മാക്കൊട്ട നിർമ്മി​ക്കുന്നത്.

ശിവൻകുട്ടി മരച്ചീനി കച്ചവടം തുടങ്ങിയിട്ടു വർഷങ്ങളായി.ആദ്യകാലങ്ങളിൽ ആവശ്യക്കാർക്ക് മരച്ചീനി തെങ്ങോലകൾ ഉപയോഗിച്ച് കുമ്പിളിന്റെ ആകൃതിയിൽ തൂക്കിപ്പിടിക്കുന്ന രീതിയിൽ നിർമ്മിക്കുന്ന മാക്കൊട്ടയിലാണ് വില്പന നടത്തിവന്നിരുന്നത്. ഇത് ദിവസങ്ങളോളം ഉപയോഗിക്കാനും കഴിയും. മത്സ്യവും മരച്ചീനി​യും തുടങ്ങി​ നാടൻ ഉത്പന്നങ്ങളൊക്കെ മാക്കൊട്ടയി​ൽ വാങ്ങാം.

പ്ലാസ്റ്റിക് നിരോധിച്ചതോടു കൂടി പഴയ കാല നാടൻ ഉതപന്നങ്ങളായ വട്ടി, മുറം, കൊട്ട, മാക്കൊട്ട, ചിരട്ടത്തവി എന്നിവയുടെ ഉപയോഗത്തിലേക്ക് പുതിയ തലമുറ മാറുമെന്ന സുഖകരമായ ഓർമയി​ലാണ് നാട്ടി​ൻപുറം.

മാക്കൊട്ട

തെങ്ങോല ഉപയോഗിച്ച് നിർമ്മിക്കുന്ന മാക്കൊട്ട പുതു തലമുറയ്ക്ക് ഏറെ കൗതുകമാണ്. കുമ്പിളിന്റെ ആകൃതിയിൽ തൂക്കിപ്പിടിക്കുന്ന രീതിയിൽ തെങ്ങോലകൾ മെടഞ്ഞാണ് ഇവ നി​ർമി​ക്കുന്നത്. കാലം പുരോഗമിച്ചതോടു കൂടി മാക്കൊട്ടയുടെ സ്ഥാനം പ്ലാസ്റ്റിക് കവറുകൾ ഏറ്റെടുത്തു. ഇന്നി​താ വീണ്ടും കാലം മാറി, കഥ മാറി. മാക്കൊട്ടകൾ വരവായി​.