മാറ്റമില്ലാത്തത് എട്ടു പഞ്ചായത്തുകളിൽ

ആലപ്പുഴ: തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിന് മുന്നോടിയായി സംസ്ഥാനത്തെ ഗ്രാമപഞ്ചായത്ത് വാർഡുകളുടെ അന്തിമരൂപമായി.ജില്ലയിൽ 72 ഗ്രാമപഞ്ചായത്തുകളിൽ എട്ടു പഞ്ചായത്തുകളിൽ വാർഡുകൾ കൂടിയിട്ടില്ല. 45 ഗ്രാമപഞ്ചായത്തുകളിൽ ഒരു വാർഡു വീതവും 18 എണ്ണത്തിൽ രണ്ട് വാർഡ് വീതവും കൂടി.കോടംതുരുത്ത് ഗ്രാമപഞ്ചായത്തിൽ മൂന്ന് വാർഡുകളാണ് പുതുതായി വന്നത്. ആകെ 84 വാർഡുകളാണ് ജില്ലയിൽ വർദ്ധിച്ചിട്ടുള്ളത്.ജില്ലയിൽ ഒരു ഗ്രാമപഞ്ചായത്തിലും വാർഡുകൾ കുറഞ്ഞിട്ടില്ല.

എഴുപുന്ന, കടക്കരപ്പള്ളി,എടത്വ, കൈനകരി, നെടുമുടി, പുളിങ്കുന്ന്, വെണ്മണി,കണ്ടല്ലൂർ ഗ്രാമപഞ്ചായത്തുകളിലാണ് നിലവിലെ വാർഡുകളിൽ മാറ്റമില്ലാത്തത്. കോടംതുരുത്തിൽ നിലവിലെ 15 വാർഡുകൾ 18 ആയി കൂടി.

ഒരു വാർഡ് വീതം കൂടിയ പഞ്ചായത്തുകൾ(നിലവിലെ വാർഡുകളും പുതിയ വാർഡുകളുടെ എണ്ണവും ബ്രായ്ക്കറ്റിൽ)

പെരുമ്പളം(13, 14), തൈക്കാട്ടുശ്ശേരി(15,16), കുത്തിയതോട്(16,17), തുറവൂർ(18,19), വയലാർ(16,17), കഞ്ഞിക്കുഴി(18,19), തണ്ണീർമുക്കം(23,24), മണ്ണഞ്ചേരി(23,24), മാരാരിക്കുളം സൗത്ത്(23,24), പുറക്കാട്(18,19), ചമ്പക്കുളം(13,14),തകഴി(14,15), തലവടി(15,16), കാവാലം(13,14),നീലംപേരൂർ(13,14),മുട്ടാർ(13,14), രാമങ്കരി(13,14), വെളിയനാട് (13,14), ചെറിയനാട്(15,16), ആല(13,14),പുലിയൂർ(13,14), ബുധനൂർ(14,15), പാണ്ടനാട്(13,14), തിരുവൻവണ്ടൂർ(13,14), മുളക്കുഴ(18,19), കാർത്തികപ്പള്ളി(13,14), തൃക്കുന്നപ്പുഴ(17,18),കുമാരപുരം(15,16), കരുവാറ്റ(15,16),പള്ളിപ്പാട്(13,14), ചെറുതന(13,14) , വീയപുരം(13,14), മാവേലിക്കര-തെക്കേക്കര(19,20) , ചെട്ടികുളങ്ങര(21,22), ചെന്നിത്തല- തൃപ്പെരുന്തുറ(18,19),തഴക്കര(21,22), മാന്നാർ(18,19), നൂറനാട്(17,18), ഭരണിക്കാവ്(21,22),താമരക്കുളം(17,18), മുതുകുളം(15,16), ആറാട്ടുപുഴ(18,19), കൃഷ്ണപുരം(17,18),ദേവികുളങ്ങര(15,16), ചിങ്ങോലി(13,14).

രണ്ട് വാർഡുകൾ വീതം കൂടിയത്

അരൂക്കുറ്റി(13,15), ചേന്നംപള്ളിപ്പുറം(17,19), പാണാവള്ളി(18,20),അരൂർ(22,24), പട്ടണക്കാട്(19,21), ചേർത്തല സൗത്ത്(22,24), മാരാരിക്കുളം സൗത്ത്(18,20), ആര്യാട്(18,20),മുഹമ്മ(16,18),അമ്പലപ്പുഴ സൗത്ത്(15,17), അമ്പലപ്പുഴ നോർത്ത്(18,20),പുന്നപ്രസൗത്ത്(17,19), പുന്നപ്ര നോർത്ത്(17,19), ചുനക്കര(15,17), പാലമേൽ(19,21), വള്ളികുന്നം(18,20), പത്തിയൂർ(19,21),ചേപ്പാ‌ട്(14,16)