ചേർത്തല : സ്വാമി വിവേകാനന്ദൻ ലോകത്തിനു മുന്നിൽ ഉയർത്തിയ യഥാർത്ഥ ഹിന്ദുധർമ്മമല്ല അമിത്ഷായുടെ ഹിന്ദുത്വമാണ് രാജ്യത്ത് അടിച്ചേൽപ്പിക്കാൻ ശ്രമിക്കുന്നതെന്ന് എ.ഐ.സി.സി ജനറൽ സെക്രട്ടറി കെ.സി.വേണുഗോപാൽ പറഞ്ഞു.വയലാർ ബ്ലോക്ക് കോൺഗ്രസ് കമ്മി​റ്റിയുടെ നേതൃത്വത്തിൽ പൗരത്വനിയമ ഭേദഗതിക്കെതിരെ നടത്തിയ ഏകദിന ഉപവാസത്തിന്റെ സമാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ബ്ലോക്ക് പ്രസിഡന്റ് വി.എൻ.അജയൻ അദ്ധ്യക്ഷനായി.കെ.പി.സി.സി ജനറൽ സെക്രട്ടറി സി.ആർ.ജയപ്രകാശ്,എ.എ.ഷുക്കൂർ,നെടുമുടി ഹരികുമാർ,എം.കെ.ജിനദേവ്,എസ്.ശരത്,കെ.ആർ.രാജേന്ദ്രപ്രസാദ്,അനിൽബോസ്,മധുവാവക്കാട്,സി.ഡി.ശങ്കർ എന്നിവർ പങ്കെടുത്തു.രാവിലെ നടന്ന ഉപവാസം ഡി.സി.സി പ്രസിഡന്റ് എം.ലിജു ഉദ്ഘാടനം ചെയ്തു.സി.കെ.ഷാജിമോഹൻ,ടി.എച്ച്.സലാം,സി.ആർ.സന്തോഷ്,രാജേന്ദ്രബാബു.കെ.പി.ആഘോഷ്കുമാർ തുടങ്ങിയവർ സംസാരിച്ചു.