ആലപ്പുഴ :വേമ്പനാട് കയലിലെ മത്സ്യ-കക്ക സമ്പത്ത് വർദ്ധിപ്പിക്കുക എന്ന ലക്ഷ്യത്തോടെ സംസ്ഥാന ഫിഷറീസ് വകുപ്പും മണ്ണഞ്ചേരി ഗ്രാമപഞ്ചായത്തും ചേർന്നു നടപ്പാക്കുന്ന പദ്ധതിയുടെ മൂന്നാംഘട്ട പ്രവർത്തനങ്ങൾക്ക് തുടക്കമായി. ഒൻപതാം വാർഡിലെ തീരപ്രദേശമായ വിരിശ്ശേരി ജെട്ടിക്ക് സമീപമുള്ള കായലിൽ മത്സ്യസങ്കേതവും കക്കപുനരുജ്ജീവന സാങ്കേതവും പദ്ധതിയുടെ ഭാഗമായി നിക്ഷേപിച്ചു. മണ്ണഞ്ചേരി ഗ്രാമ പഞ്ചായത്ത് പ്രസിഡന്റ് എം.എസ്. സന്തോഷ് കുമാർ പദ്ധതി ഉദ്ഘാടനം ചെയ്തു. ബ്ലോക്ക് പഞ്ചായത്ത് അംഗം വിലഞ്ചിത ഷാനവാസ്, വാർഡ് അംഗം സുധീർ, ഫിഷറീസ് ഉദ്യോഗസ്ഥ എസ്. മിനിമോൾ, പഞ്ചായത്ത് അംഗങ്ങൾ തുടങ്ങിയവർ പങ്കെടുത്തു.