ആലപ്പുഴയെ കാർബൺ ന്യൂട്രൽ പാക്കേജുകളുടെ കേന്ദ്രമാക്കും

ആലപ്പുഴ:ടൂറിസം മേഖലയിൽ പുനരടയാളപ്പെടുത്തൽ അനിവാര്യമാണെന്നും അതിനായി ആലപ്പുഴയെ കാർബൺ ന്യൂട്രൽ പാക്കേജുകളുടെ ഹബ്ബാക്കി മാറ്രുമെന്നും ഉത്തരവാദിത്വ ടൂറിസം മിഷൻ സംസ്ഥാന കോ ഓർഡിനേ​റ്റർ കെ.രൂപേഷ് കുമാർ പറഞ്ഞു. ആലപ്പുഴയിൽ ടൂറിസം സംരംഭകരുടെ പരിശീലന പരിപാടിയിൽ ആമുഖ പ്രഭാഷണം നടത്തുകയായിരുന്നു അദ്ദേഹം. ശുദ്ധവായു ആയിരിക്കും ഇനി ടൂറിസത്തിന്റെ വികസന അടിത്തറ.

ഇപ്പോൾ ഉത്തരവാദിത്വ ടൂറിസം മിഷന് കീഴിൽ വൈവിദ്ധ്യമാർന്ന 1500ൽഅധി യൂണി​റ്റുകളാണ് ജില്ലയിൽ പ്രവർത്തിക്കുന്നത്.
മിഷൻ സംസ്ഥാനമൊട്ടാകെ നടത്തുന്ന എക്സ്പീരിയൻഷ്യൽ പാക്കേജുകൾക്ക് സമാനമായി ജില്ലയിൽ പുതുതായി 5 പാക്കേജുകൾ കൂടി തയ്യാറായിട്ടുണ്ട്. സ്റ്റോറി ടെല്ലിംഗ് പാക്കേജുകളും ഗ്രാമയാത്രാ പാക്കേജുകളും ഉൾപ്പെടെ 5 ടൂർ പാക്കേജുകളാണ് ജില്ലയിലേക്ക് മിഷൻ തയ്യാറാക്കിയത്.

ജില്ലയിലെ അംഗീകൃത ഹോട്ടലുകൾ റിസോർട്ടുകൾ ,ഹോം സ്​റ്റേകൾ എന്നിവ ജനുവരി അവസാനത്തോടെ പ്ലാസ്​റ്റിക് വിമുക്ത മാക്കും.ഇതിന്റെ ഭാഗമായി ജില്ലയിലെ ടൂറിസം സംരംഭങ്ങൾക്കുള്ള തുണി സഞ്ചികൾ യോഗത്തിൽ വിതരണം ചെയ്തു.

മുൻനിര ഹോട്ടലുകളും റിസോർട്ടുകളും ഹൗസ് ബോട്ടുകൾ, ഹോം സ്​റ്റേകൾ എന്നിവയും തദ്ദേശീയ ഉത്പന്നങ്ങളായ പച്ചക്കറി, പാൽ ,കരകൗശല വസ്തുക്കൾ എന്നിവയുള്ള ലിങ്കേജിന് പൂർണ്ണ പിന്തുണ നൽകുമെന്ന് ഉറപ്പ് നൽകി. ടൂറിസം വകുപ്പ് ജോയിന്റ് ഡയറക്ടർ കെ. രാജ്കുമാർ അദ്ധ്യക്ഷനായിരുന്നു. ടൂറിസം ഡെപ്യൂട്ടി ഡയറക്ടർ ടി.ജി.അഭിലാഷ് , ഉത്തരവാദിത്വ ടൂറിസം മിഷൻ ജില്ലാ കോ ഓർഡിനേ​റ്റർ ഹരീഷ് തുടങ്ങിയവർ സംസാരിച്ചു.

 രുചിക്കാം ആലപ്പുഴയെ

ആലപ്പുഴയുടെ രുചി വൈവിദ്ധ്യം സഞ്ചാരികൾക്ക് അനുഭവവേദ്യമാക്കാൻ 310 വീടുകൾ സഞ്ചാരികൾക്ക് ഭക്ഷണം ഒരുക്കാൻ തയ്യാറാക്കി . ആലപ്പുഴയുടെ മനോഹാരിത നിലനിർത്താൻ ടൂറിസം സംരഭകരുടെ കൂട്ടായ ശ്രമം വേണം. വേമ്പനാട്ടു കായലാണ് ഈ നാടിന്റെ ഏ​റ്റവും വലിയ ടൂറിസം ആകർഷണം എന്ന് ഓർത്തില്ലെങ്കിൽ ആലപ്പുഴയിൽ ടൂറിസത്തിന് അധികം ആയുസുണ്ടാവില്ലെന്നും കെ.രൂപേഷ്കുമാർ പറഞ്ഞു.ഈ ലക്ഷ്യത്തിലൂന്നി എല്ലാ ടൂറിസം സംരഭങ്ങൾക്കും ഉത്തരവാദിത്വ ടൂറിസം ക്ലാസിഫിക്കേഷൻ ഏർപ്പെടുത്തും. ഹൗസ് ബോട്ട്, ആയുർവ്വേദ സ്ഥാപനങ്ങൾ, ഹോം സ്​റ്റേ എന്നിവയ്ക്കുള്ള ക്ലാസിഫിക്കേഷൻ ആരംഭിച്ചു.

ജില്ലയിൽ ഉത്തരവാദിത്വ ടൂറിസം

 3000 : വിവിധ യൂണി​റ്റുകളിലായി ജില്ലയിൽ മൂവായിരത്തിലധികം തദ്ദേശവാസികൾ മിഷൻ പ്രവർത്തനത്തിന്റെ ഭാഗം

 310: സഞ്ചാരികൾക്ക് ഭക്ഷണമൊരുക്കാൻ തയ്യാറായി 310 വീട്ടുകാർ

 38 : ഉത്തരവാദിത്വ ടൂറിസം മിഷൻ യൂണി​റ്റുകളുടെ ഉത്പന്ന വിപണനത്തിന്ന് റിസോർട്ട് കാ​റ്റഗറിയിൽപ്പെട്ട 38 സംരംഭങ്ങളുമായി ധാരണയുണ്ടാക്കി