ആലപ്പുഴ: കാർഷിക സമൃദ്ധി വീണ്ടെടുക്കുക എന്ന ലക്ഷ്യത്തോടെ സംസ്ഥാന കാർഷിക വികസന കർഷക ക്ഷേമ വകുപ്പ് രൂപീകരിച്ച 'ജീവനി നമ്മുടെ കൃഷി നമ്മുടെ ആരോഗ്യം' പദ്ധതിയുടെ ജില്ലാതല ഉദ്ഘാടനവും, ജില്ലാതല കർഷക അവാർഡ് വിതരണവും ഇന്ന് രാവിലെ 11 ന് താമരക്കുളം തമ്പുരാൻ ലാൻഡ് ഗ്രൗണ്ട് ഓഡിറ്റോറിയത്തിൽ മന്ത്രി വി.എസ് സുനിൽ കുമാർ നിർവഹിക്കും. ആർ. രാജേഷ് എം.എൽ.എ അദ്ധ്യക്ഷത വഹിക്കും. ഓണാട്ടുകര കാർഷിക സേവന കേന്ദ്രത്തിന്റെ ഉദ്ഘാടനവും മന്ത്രി നിർവ്വഹിക്കും. കാർഷിക പ്രദർശനം കൊടിക്കുന്നിൽ സുരേഷ് എം.പി ഉദ്ഘാടനം ചെയ്യും. ജീവനി പോഷകത്തോട്ടം വിത്ത് പെട്ടി എ.എം ആരിഫ് എം.പി കൈമാറും. യു. പ്രതിഭ എം.എൽ.എ മുഖ്യപ്രഭാഷണം നടത്തും.