ആലപ്പുഴ: നിർമാണത്തിൽ കൃത്രിമം കാണിക്കാത്ത കരാറുകാരുടെ സേവനം ഉറപ്പു വരുത്താൻ കഴിഞ്ഞെന്ന് മന്ത്രി ജി.സുധാകരൻ പറഞ്ഞു. അമ്പലപ്പുഴ വടക്ക് പഞ്ചായത്തിൽ നിർമ്മാണം പൂർത്തീകരിച്ച വളഞ്ഞവഴി -അഴീക്കോടൻ റോഡിന്റെ ഉദ്ഘാടനം നിർവഹിക്കുകയായിരുന്നു മന്ത്രി.
അഴിമതിരഹിതവും സുതാര്യവുമായ നിർമ്മാണം നടക്കുന്നതിനാൽ റോഡുകൾ ദീർഘനാൾ തകരാതെ നിലനിൽക്കും.

ഗ്രാമീണ റോഡുകൾ, തീരദേശ റോഡുകൾ എന്നിവയടക്കം അന്താരാഷ്ട്ര നിലവാരത്തിൽ നിർമ്മിച്ച് സഞ്ചാര യോഗ്യമാക്കുവാൻ ഈ സർക്കാരിന് കഴിഞ്ഞിട്ടുണ്ടെന്ന് സുധാകരൻ പറഞ്ഞു.

അമ്പലപ്പുഴ ബ്ലോക്ക് പഞ്ചായത്ത് പ്രസിഡന്റ് കെ. എം ജുനൈദ് അദ്ധ്യക്ഷത വഹിച്ചു, ജില്ലാ പഞ്ചായത്ത് പ്രസിഡന്റ് ജി. വേണുഗോപാൽ മുഖ്യാതിഥിയായി. ജില്ലാ പഞ്ചായത്ത് അംഗം എ.ആർ.കണ്ണൻ, അമ്പലപ്പുഴ വടക്ക് ഗ്രാമപഞ്ചായത്ത് പ്രസിഡന്റ് അഫ്‌സത്ത്, വൈസ് പ്രസിഡന്റ് യു.രാജുമോൻ, യു.എം.കബീർ, ഷിനോയ് മോൻ, ഷാജി പഴൂപറാലിൽ, ശ്രീജ ഗിരീഷ്, സ്വാഗത സംഘം ചെയർമാൻ എച്ച്ച്.സലാം, എക്‌സിക്യൂട്ടീവ് എൻജിനീയർ ബി. വിനു എന്നിവർ സംസാരിച്ചു.