ആലപ്പുഴ:വിവരാവകാശ നിയമപ്രകാരമുള്ള അപേക്ഷ ലഭിച്ചാൽ വേഗത്തിൽ മറുപടി നൽകണമെന്ന് മുഖ്യ വിവരാവകാശ കമ്മിഷണർ വിൻസൺ എം. പോൾ പറഞ്ഞു.

ജില്ലയിലെ വിവിധ വകുപ്പ് ഉദ്യോഗസ്ഥർക്കായി സംസ്ഥാന വിവരാവകാശ കമ്മിഷൻ സംഘടിപ്പിച്ച ഏകദിന ശില്പശാല ഉദ്ഘാടനം ചെയ്യുകയായിരുന്നു അദ്ദേഹം.

മറുപടികൾ വ്യക്തവും പൂർണവുമാകണമെന്നും മ​റ്റൊരു അപേക്ഷയുമായി വീണ്ടും വരാൻ സാഹചര്യം ഒരുക്കരുതെന്നും അദ്ദേഹം പറഞ്ഞു.

വിവരാവകാശ കമ്മിഷണർമാരായ എസ്. സോമനാഥൻ പിളള, ഡോ. കെ.എൽ. വിവേകാനന്ദൻ, കെ.വി. സുധാകരൻ, പി.ആർ. ശ്രീലത എന്നിവരും പങ്കെടുത്തു.