ഹരിപ്പാട്: എസ്.എൻ.ഡി.പി യോഗം കാർത്തികപ്പള്ളി യൂണിയനിലെ സ്നേഹ മാര്യേജ് കൗൺസലിംഗ് സെന്ററിന്റെയും എറണാകുളം മുക്തി ഭവൻ കൗൺസലിംഗ് സെന്ററിന്റെയും സംയുക്താഭിമുഖ്യത്തിൽ 70ാമത് വിവാഹപൂർവ കൗൺസലിംഗ് കോഴ്സ് ഇന്നും നാളെയും യൂണിയൻ കോൺഫറൻസ് ഹാളിൽ നടക്കും. യൂണിയൻ പ്രസിഡന്റ് കെ.അശോകപ്പണിക്കർ ഉദ്ഘാടനം ചെയ്യും. വൈസ് പ്രസിഡന്റ് കെ.സോമൻ അദ്ധ്യക്ഷനാകും. ആനന്ദം കുടുംബ ജീവിതത്തിൽ, ഗുരുദേവന്റെ ദാമ്പത്യ വീക്ഷണം എന്നീ വിഷയങ്ങളിൽ പ്രൊഫ.കൊടുവഴങ്ങ ബാലകൃഷ്ണനും ഗർഭധാരണം ,പ്രസവം,ശിശുപരിപാലനം എന്നീ വിഷയങ്ങളിൽ ഡോ.പി.എൻ ശരത് ചന്ദ്രനും കുടുംബ ജീവിതത്തിലെ സങ്കല്പങ്ങളും യാഥാർത്ഥ്യങ്ങളും, കുടുംബ ബഡ്ജറ്റ് എന്നീ വിഷയങ്ങളിൽ രാജേഷ് പൊന്മലയും എസ്.എൻ.ഡി.പി യോഗചരിത്രം എന്ന വിഷയത്തിൽ വി.എം ശശിയും സ്ത്രീ പുരുഷ മനഃശാസ്ത്രം എന്ന വിഷയത്തിൽ ഷൈലജ രവീന്ദ്രനും ക്ളാസെടുക്കും.യൂണിയൻ സെക്രട്ടറി അഡ്വ.ആർ.രാജേഷ് ചന്ദ്രൻ സ്വാഗതവും കോ ഓഡിനേറ്റർ പി.ശ്രീധരൻ നന്ദിയും പറയും.