ഹരിപ്പാട്: കതി​ർമണ്ഡപത്തിൽ നിന്നും മനുഷ്യ മഹാ ശൃംഖലയിൽ പങ്കെടുക്കാൻ നവ ദമ്പതി​കളെത്തി​. എരിയ്ക്കാവ് ശങ്കരയ്യൻ തോപ്പിൽ മോഹനന്റെയും മണിയമ്മയുടെയും മകനായ രതീഷിന്റെയും താമല്ലാക്കൽ നന്ദുകാട്ടിൽ ശ്രീവത്സന്റെയും അംബികയുടെയും മകൾ ആതിയുമാണ് വിവാഹ വേഷത്തിൽ തന്നെ മഹാശൃംഖലയി​ലെത്തി​യത്. വിവാഹം കുമാരപുരം കവറാട്ട് ശ്രീ മഹാദേവക്ഷേത്രത്തിലായിരുന്നു ഇവരുടെ വി​വാഹം. രക്തഹാരമണിഞ്ഞാണ് ഇരുവരും ശ്യംഖലയിൽ കണ്ണികളായത്. കുമാരപുരം ഗ്രാമപഞ്ചായത്ത് തൊഴിലുറപ്പ് വിഭാഗം ഡാറ്റ എൻട്രി​ ഓപ്പറേറ്ററായി ജോലി ചെയ്യുന്ന രതീഷ് ഡി.വൈ.എഫ്.ഐ ഏരിയ ജോയിന്റ് സെക്രട്ടറിയും സി.പി.എം ബ്രാഞ്ച് സെക്രട്ടറിയുമാണ് .

മനുഷ്യ മഹാശ്യംഖലയിൽ ഹരിപ്പാട് മണ്ഡലത്തിൽ നിന്നും സ്ത്രീകളും കുട്ടികളും ഉൾപ്പടെ പതിനായിരങ്ങളാണ് പങ്കെടുത്തത്. ഹരിപ്പാട് കൂടാതെ മാവേലിക്കര, കോന്നി, പത്തനംതിട്ട തുടങ്ങിയ ഭാഗങ്ങളിലെ പ്രവർത്തകരും ഹരിപ്പാടിന്റെ വിവിധ ഭാഗങ്ങളിൽ അണി നിരന്നു.