ചേർത്തല:പച്ചക്കറി, പൂ കൃഷിയിലൂടെ സമൃദ്ധവും മനോഹരവുമായ തോട്ടം ഒരുക്കിയ മുഹമ്മ സി.എം.എസ് എൽ.പി സ്‌കൂളിൽ പൂ കൃഷിയുടെ വിളവെടുപ്പ് നടന്നു.ഞാറ്റുവേല,പാഠം ഒന്ന് പാഠത്തേക്ക് എന്നീ തോട്ടങ്ങളിലായിരുന്നു ബന്ദിപ്പൂക്കളുടെ വിളവെടുപ്പ് നടന്നത്.
അഡ്വ.യു.പ്രതിഭ എം.എൽ.എ വിളവെടുപ്പ് ഉദ്ഘാടനം ചെയ്തു.പഞ്ചായത്ത് പ്രസിഡന്റ് ജെ.ജയലാൽ,സ്‌കൂൾ മാനേജർ ജിജി ജോസഫ്,പ്രധാനാദ്ധ്യാപിക ജോളി തോമസ്,പി.ടി.എ പ്രസിഡന്റ് കെ.പി.സുധീർ,കൃഷി ഡെപ്യൂട്ടി ഡയറക്ടർ വി.അനിത,കൃഷി അസി.ഡയറക്ടർ ടി.സി.ഷീന,സീനിയർ അസിസ്റ്റന്റ് സിസി,സ്റ്റാഫ് സെക്രട്ടറി ജെസി തോമസ്,കഞ്ഞിക്കുഴി സഹകരണ ബാങ്ക് പ്രസിഡന്റ് എം സന്തോഷ് കുമാർ, എസ്.എൽ പുരം സഹകരണ ബാങ്ക് പ്രസിഡന്റ് എസ്.രാധാകൃഷ്ണൻ,ഹരിത മിത്രം അവാർഡ് ജേതാവ് കെ.പി.ശുഭകേശൻ, സെബാസ്റ്റ്യൻ എന്നിവർ പങ്കെടുത്തു.