കോലഞ്ചേരി: എവിടെ ലൈസൻസെടുത്താലും ഇവിടെ പുതുക്കാം, പേരും മാറ്റാം. അന്യ സംസ്ഥാനങ്ങളിലെടുത്ത ഡ്രൈവിംഗ് ലൈസൻസ് പുതുക്കാൻ എടുത്തിടത്തേയ്ക്കിനി ഓടേണ്ട.

മഹാരാഷ്ട്രയിൽ നിന്നെടുത്ത ലൈസൻസ് പുതുക്കുന്നതിനും വി​ലാസം മാറ്റുന്നതിനും നൽകി​യ അപേക്ഷ സബ് ആർ.ടി ഓഫീസ് നിരസിച്ചപ്പോൾ മുഖ്യമന്ത്രിയുടെ ഓൺ ലൈൻ പോർട്ടലിൽ പരാതി​പ്പെട്ടതി​നെ തുടർന്നാണ് നടപടി​.

ഇതു സംബന്ധിച്ച് ട്രാൻസ്പോർട്ട് കമ്മീഷണർ ഉത്തരവിറക്കി.

• പുതുക്കാനോ, അഡ്രസ് മാറ്റാനോ വരുന്നവരോട് എൻ.ഒ.സി ആവശ്യപ്പെടി​ല്ല

• ലൈസൻസ് മാറ്റാനെത്തുന്ന അപേക്ഷകനെ വീണ്ടും ഡ്രൈവിംഗ് ടെസ്റ്റ് ചെയ്യി​പ്പി​ക്കി​ല്ല.

• സംശയമുണ്ടായാൽ ലൈസൻസ് നല്കിയ അതോറിറ്റിയിൽ നിന്നും വിവരങ്ങൾ ശേഖരിച്ച് ഇവിടെ മാറ്റി കൊടുക്കണം

• സാരഥി നടപ്പാക്കാത്ത സംസ്ഥാനത്ത് അതാത് മോട്ടോർ വാഹന വകുപ്പ് സൈറ്റിൽ നിന്നും വിവരങ്ങൾ ശേഖരിക്കണം.

സാരഥി​ വഴി​

കേന്ദ്രീകൃത സോഫ്റ്റ്‌വെയറായ സാരഥി മിക്കവാറും എല്ലാ സംസ്ഥാനങ്ങളിലും നടപ്പാക്കി കഴിഞ്ഞു. സാരഥി വഴി ലൈസൻസിന്റെ ആധികാരി​കത പരിശോധിക്കാം. സാരഥിയിൽ പേരും അഡ്രസും മാറ്റാനും സൗകര്യമുണ്ട്.