മൂവാറ്റുപുഴ: രാജ്യത്തെ മതപരമായി ഭിന്നിപ്പിക്കുന്ന മോഡി ഗവൺമെന്റിനെതിരെ, ഭരണഘടനയെ സംരക്ഷിക്കുക പൗരത്വ ഭേദഗതി ബിൽ പിൻവലിക്കുക എന്ന മുദ്രാവാക്യമുയർത്തി എൽ.ഡി.എഫ് സംസ്ഥാന കമ്മിറ്റിയുടെ നേതൃത്വത്തിൽ റിപബ്ലിക് ദിനത്തിൽ മനുഷ്യ മഹാ ചങ്ങല തീർക്കാൻ തീരുമാനിച്ചു. മനുഷ്യചങ്ങലയുടെ പ്രചരണാർത്ഥം നടക്കുന്ന ജാഥയുടെ ഉദ്ഘാടനം ജനുവരി 17 ന് മൂവാറ്റുപുഴയിൽ നടക്കും. സംഘാടക സമിതി രൂപീകരണ യോഗം 4ന് വൈകിട്ട് നാല് മണിക്ക് മൂവാറ്റുപുഴ അർബൻ സഹ.ബാങ്ക് ഹാളിൽ ചേരുമെന്ന് നിയോജക മണ്ഡലം കൺവീനർ എൻ.അരുൺ അറിയിച്ചു.