നെടുമ്പാശേരി: കേരള വ്യാപാരി വ്യവസായി ഏകോപന സമിതി നോർത്ത് കുത്തിയതോട് യൂണിറ്റിന്റെ വ്യാപാരഭവൻ ജില്ലാ പ്രസിഡന്റ് പി.സി. ജേക്കബ് ഉദ്ഘാടനം ചെയ്തു. പ്രസിഡന്റ് വി.ഡി. പ്രഭാകരൻ അദ്ധ്യക്ഷനായിരുന്നു. കുടുംബസംഗമം കുന്നുകര ഗ്രാമപഞ്ചായത്ത് പ്രസിഡന്റ് ഫ്രാൻസിസ് തറയിൽ ഉദ്ഘാടനം ചെയ്തു.
60 വയസ് പൂർത്തിയായ വ്യാപാരികളെ ജില്ലാ ജനറൽ സെക്രട്ടറി എ.ജെ. റിയാസ് ആദരിച്ചു. അംഗത്വ കാർഡുകൾ ജില്ലാ വൈസ് പ്രസിഡന്റ് ജോജി പീറ്റർ വിതരണം ചെയ്തു. നെടുമ്പാശേരി മേഖലാ പ്രസിഡന്റ് സി.പി. തരിയൻ, ഫാ. കുര്യൻ കട്ടക്കയം, സിസ്റ്റർ അംബിക, കെ.ബി. സജി, സുബൈദ നാസർ, സിസ്റ്റർ ജെയിൻ മേരി, ടി.ടി. ജോയ്, ആർ. അനിൽ, സിബി ജോസഫ്, പി.ടി. പൗലോസ്, കെ.വി. ബിന്റോ, ജിന്നി പ്രിൻസ്, വിനീത മാർട്ടിൻ, ജോയ്‌സി ബിന്റോ എന്നിവർ പ്രസംഗിച്ചു.