ആലുവ: പൗരത്വ ഭേദഗതി നിയമം പിൻവലിക്കുക, മതേതരത്വം സംരക്ഷിക്കുക എന്നീ ആവശ്യങ്ങളുന്നയിച്ച് മാർക്‌സിസ്റ്റ് കമ്മ്യൂണിസ്റ്റ് പാർട്ടി ഓഫ് ഇന്ത്യ (യുണൈറ്റഡ്) കുട്ടമശേരി ബ്രാഞ്ചിന്റെ നേതൃത്വത്തിൽ നാളെ പ്രതിഷേധസംഗമം സംഘടിപ്പിക്കും. വൈകിട്ട് അഞ്ചിന് കുട്ടമശേരി യുവജന വായനശാല നെഹ്രു മണ്ഡപത്തിൽ നടക്കുന്ന സംഗമം എം.സി.പി.ഐ.യു സംസ്ഥാന സെക്രട്ടറി ടി.എസ്. നാരായണൻ ഉദ്ഘാടനം ചെയ്യും. എം.സി.പി.ഐ.യു കേന്ദ്ര കമ്മിറ്റി അംഗം പി.പി. സാജു, സി.പി.ഐ.(എം) ആലുവ ഏരിയാ സെക്രട്ടറി എ.പി. ഉദയകുമാർ, ഡി.സി.സി വൈസ് പ്രസിഡന്റ് മുഹമ്മദ് ഷിയാസ്, സി.പി.ഐ ജില്ലാ എക്‌സി. അംഗം പി. നവകുമാർ, എം.സി.പി.ഐ.യു ജില്ലാ സെക്രട്ടറി വിശ്വകലാ തങ്കപ്പൻ എന്നിവർ പങ്കെടുക്കും.