കിഴക്കമ്പലം: എസ്.എൻ.ഡി.പി യോഗം ആലുവ യൂണിയൻ വനിതാ സംഘത്തിന്റെയും, പഴങ്ങനാട് ശാഖയും, ആലുവ ടോണി ഫെർണാണ്ടസ് കണ്ണാശുപത്രിയുടെയും സംയുക്താഭിമുഖ്യത്തിൽ ബാലജന യോഗം കുമാരി സംഘം കുട്ടികൾക്കായി സൗജന്യ നേത്ര പരിശോധനാ ക്യാമ്പ് നടന്നു. പഴങ്ങനാട് ശാഖ ഓഡിറ്റോറിയത്തിൽ ആലുവ യൂണിയൻ പ്രസിഡന്റ് വി.സന്തോഷ് ബാബു ഉദ്ഘാടനം ചെയ്തു. യോഗം ബോർഡ് മെമ്പർ വി.ഡി രാജൻ അദ്ധ്യക്ഷനായി. യൂണിയൻ സെക്രട്ടറി എ.എൻ രാമചന്ദ്രൻ മുഖ്യപ്രഭാഷണം നടത്തി. ടോണി ഫെർണാണ്ടസ് ഹോസ്പി​റ്റൽ പി.ആർ.ഒ ജോബി വർഗീസ് നേത്ര സംരക്ഷണത്തെക്കുറിച്ച് ബോധവത്കരണ ക്ലാസ് നയിച്ചു. യൂണിയൻ വൈസ് പ്രസിഡന്റ് പി.ആർ നിർമ്മൽ കുമാർ, യോഗം ബോർഡ് മെമ്പർ പി.പി സനകൻ, യൂണിയൻ കൗൺസിലർ സജീവൻ ഇടച്ചിറ, ശാഖ പ്രസിഡന്റ് എൻ.ബാലകൃഷ്ണൻ, സെക്രട്ടറി എം പി ശശിധരൻ, വനിതാ സംഘം പ്രസിഡന്റ് ലതാ ഗോപാലകൃഷ്ണൻ ,സെക്രട്ടറി ബിന്ദു രതീഷ്, കൗൺസിലർമാരായ ഷിബി ബോസ്, സജിത സുഭാഷണൻ എന്നിവർ സംസാരിച്ചു. 120 കുട്ടികൾ ക്യാമ്പിൽ പങ്കെടുത്തു.