കിഴക്കമ്പലം: പള്ളിക്കരയിൽ പണിമുടക്ക് ദിനത്തിൽ വ്യാപാരികളെ ആക്രമിച്ച സംഭവത്തിൽ കണ്ടാലറിയാവുന്ന 20 പേർക്കെതിരെ കേസെടുത്തതായി കുന്നത്തുനാട് പൊലീസ് അറിയിച്ചു. കൂടുതൽ അന്വേഷണത്തിനു ശേഷം അറസ്​റ്റ് അടക്കമുള്ള നടപടികളിലേക്ക് നീങ്ങും. സൂപ്പർ മാർക്ക​റ്റ് ബലം പ്രയോഗിച്ച് അടപ്പിക്കാനുള്ള ശ്രമം നടന്നിരുന്നു. തുടർന്നുണ്ടായ സംഘർഷത്തിൽ വ്യാപാരി വ്യവസായി ഏകോപന സമിതി പ്രസിഡന്റ് സി.ജി.ബാബു, പി.വി.പൗലോസ്, ബിജു ജേക്കബ് എന്നിവർക്ക് പരുക്കേ​റ്റു. ഹർത്താൽ രഹിത പള്ളിക്കര എന്ന തീരുമാനത്തിൽ നിന്നു വ്യാപാരികൾ പിന്നോട്ട് പോകില്ലെന്നാണ് തീരുമാനം.