മൂവാറ്റുപുഴ: പൗരത്വഭേദഗതി നിയമം പിൻവലിക്കണമെന്നാവശ്യപ്പെട്ട് ഡീൻ കുര്യാക്കോസ് എം.പി ഇടുക്കി പാർലമെന്റ് മണ്ഡലത്തിൽ നടത്തി വരുന്ന ലോംഗ് മാർച്ച് സമാപിച്ചു. നെടുംങ്കണ്ടത്ത് നിന്നും ആരംഭിച്ച് കോതമംഗലം മൂവാറ്റുപുഴ അടിമാലി എന്നിവിടങ്ങളിൽ നടത്തിയ പദയാത്ര തൊടുപുഴയിലാണ് സമാപിച്ചത്. തൊടുപുഴ ഇടവെട്ടി മാർത്തോമ ജംഗ്ഷനിൽ ആരംഭിച്ച പദയാത്ര പി.ജെ. ജോസഫ് എം.എൽ.എ ഫ്ലാഗ് ഓഫ് ചെയ്തു. ഇടവെട്ടിയിൽ നടന്ന യോഗത്തിൽ ഇടവെട്ടി പഞ്ചായത്ത് പ്രസിഡന്റ് ലത്തീഫ് മുഹമ്മദ് അദ്ധ്യക്ഷത വഹിച്ചു. ഡി.സി.സി പ്രസിഡന്റ് ഇബ്രാഹിം കുട്ടി കല്ലാർ, മുതലക്കോടം പള്ളി വികാരി ഫാ. ജോസഫ് അടപ്പൂർ, ഇടുക്കി യു.ഡി.എഫ് ചെയർമാൻ അഡ്വ. എസ്. അശോകൻ, റോയി കെ.പൗലോസ്, സി.പി. മാത്യു, എം.ജെ. ജേക്കബ്, എം.എസ്. മുഹമ്മദ്, കെ.എം.എ ഷുക്കൂർ, കെ.ഐ ആന്റണി, എം.ജെ ജേക്കബ്, ജോൺ നെടിയപാല, ജെസ്സി ആന്റണി, പി.എൻ. സീതി, എൻ.ഐ. ബെന്നി, ജാഫർഖാൻ മുഹമ്മദ്, ഇന്ദു സുധാകരൻ, ഷാഹുൽ പള്ളത്തുപറമ്പിൽ, ഹാരിദ് മുഹമ്മദ്, പി.എസ്. ചന്ദ്രശേഖരപിള്ള, ജിമ്മി മറ്റത്തിപ്പാറ, എം. മോനിച്ചൻ എന്നിവർ പ്രസംഗിച്ചു. തുടർന്ന് പദയാത്ര തൊടുപുഴ പ്രൈവറ്റ് ബസ് സ്റ്റാൻഡിൽ സമാപിച്ചു. സമാപന സമ്മേളനം യു.ഡി.എഫ് കൺവീനർ ബെന്നി ബെഹനാൻ എം.പി ഉദ്ഘാടനം നിർവഹിച്ചു. രാഷ്ട്രീയ നിരീക്ഷകൻ അഡ്വ. എ. ജയശങ്കർ, ഫാ. ജോസഫ് തടിക്കാട്ട്, അബ്ദുൾ ജലീൽ സഖാവി എന്നിവർ സംസാരിച്ചു.