പറവൂർ : സ്വരസുധ പതിനെട്ടാമത് അഖിലകേരള സംഗീതോത്സവം ഡോ. പൂർണത്രയീ ജയപ്രകാശ് ശർമ്മ ഉദ്ഘാടനം ചെയ്തു. ചെയർമാൻ എം.കെ. വേണുഗോപാൽ അദ്ധ്യക്ഷത വഹിച്ചു. ഡോ. സി.എം. രാധാകൃഷ്ണൻ, അശോക് ചെമ്പകശേരി, കെ. സുധാകരൻപിള്ള തുടങ്ങിയവർ സംസാരിച്ചു. പറവൂർ ദക്ഷിണ മൂകാബിക സരസ്വതി മണ്ഡപത്തിൽ നടന്ന രണ്ടു ദിവസങ്ങളിലായി നടന്ന സംഗീതോത്സവത്തിൽ സംഗീതസദസ്, സംഗീതക്കച്ചേരി, സംഗീതാർച്ചന, സോപാനസംഗീതം, പഞ്ചരത്ന കീർത്താനാലാപനം എന്നിവ നടന്നു.