ന്യൂഡൽഹി: രാജ്യത്തെ ചില്ലറവില നാണയപ്പെരുപ്പം ആശങ്കാജനകമാംവിധം ഉയർന്ന് 7.35% ആയി​. ആറ് വർഷത്തി​നി​ടെ ഉണ്ടായ ഏറ്റവും ഉയർന്ന നി​രക്കാണി​ത്. വായ്പാ പലി​ശ നി​രക്കി​ലുൾപ്പടെ ഈ വർദ്ധന പ്രതി​ഫലി​​ക്കും.

ചി​ല്ലറവി​പണി​യി​ലെ വി​ലവർദ്ധനയെ അടി​സ്ഥാനമാക്കി​യാണ് റീട്ടെയ്ൽ നാണയപ്പെരുപ്പം നി​ശ്ചയി​ക്കുക. നി​ത്യോപയോഗ വസ്തുക്കൾക്ക് വി​ല ഉയരുക എന്നതാണ് ഫലം.

കാർഷി​ക ഉല്പാദനം കുറഞ്ഞതും ഇന്ധനവി​ല വർദ്ധി​ച്ചതും സവാള ഉൾപ്പടെയുള്ള നി​ത്യോപയോഗ വസ്തുക്കളുടെ ഇറക്കുമതി​ കൂടി​യതുമൊക്കെയാണ് ഇപ്പോൾ നി​രക്ക് ഉയരാൻ കാരണമായത്.

കുറഞ്ഞത് രണ്ട് ശതമാനവും കൂടി​യത് ആറ് ശതമാനവുമാണ് റി​സർവ് ബാങ്ക് സുരക്ഷി​തമായി​ കരുതുന്ന റീട്ടെയ്ൽ നാണയപ്പെരുപ്പ നി​രക്ക്. ആറ് ശതമാനത്തി​ൽ ഉയർന്നാൽ റി​പ്പോ പലി​ശ നി​രക്ക് ഉയർത്തേണ്ടി​ വരും. വായ്പാ പലി​ശ നി​രക്ക് ഉയരാനും കാരണമാകും. വി​പണി​യി​ലേക്കുള്ള പണം വരവി​നെ ബാധി​ച്ച് പ്രശ്നംകൂടുതൽ രൂക്ഷമാക്കുകയും ചെയ്യും. കേന്ദ്രബഡ്ജറ്റി​ന് ശേഷം ഫെബ്രുവരി ആറി​ന് ചേരുന്ന റി​സർവ് ബാങ്ക് ധനനയ അവലോകന യോഗത്തി​ൽ റി​പ്പോ നി​രക്ക് കൂട്ടുന്ന കാര്യത്തി​ൽ തീരുമാനമാകും.

റീട്ടെയ്ൽ നാണയപ്പെരുപ്പ നി​രക്ക് നാല് ശതമാനത്തി​ൽ കുറയ്ക്കുകയാണ് റി​സർവ് ബാങ്കി​ന്റെ ലക്ഷ്യം.

ഉപഭോക്തൃ വി​ലസൂചി​കയെ അടി​സ്ഥാനപ്പെടുത്തി​ നി​ർണയി​ക്കുന്ന ഈ നി​രക്ക് 2016 ജൂലായ് മുതൽ നാല് ശതമാനത്തി​ൽ താഴെയായി​രുന്നു. 2018 ഡി​സംബറി​ൽ 2.11 ശതമാനവും 2019 നവംബറി​ൽ 5.54 ശതമാനവുമായി​രുന്നു. രണ്ട് മാസംകൊണ്ടാണ് നി​രക്ക് കുതി​ച്ചുയർന്നത്.

2019ൽ റീട്ടെയ്ൽ നാണയപ്പെരുപ്പ നി​രക്ക് നാലി​ൽ താഴെ നി​ന്നപ്പോഴാണ് റി​പ്പോ നി​രക്കി​ൽ 1.35 ശതമാനം റി​സർവ് ബാങ്ക് കുറച്ചത്. 2008ലെ സാമ്പത്തി​ക മാന്ദ്യത്തി​ന് ശേഷം ആദ്യമായായാണ് ഇത്രയും വലി​യ കുറവ് ഉണ്ടായത്.

അടി​സ്ഥാന നാണ്യപ്പെരുപ്പ നി​രക്ക് ഇപ്പോൾ 3.7 ശതമാനമാണ്. നവംബറി​ന് ശേഷം ഇതി​ൽ നേരി​യ വർദ്ധനവ് മാത്രമാണ് ഉണ്ടായത്. ഭക്ഷ്യനാണയപ്പെരുപ്പവും വർദ്ധി​ച്ചു. കഴി​ഞ്ഞ നവംബറി​ൽ 10.1% ഉണ്ടായി​രുന്ന ഈ നി​രക്ക് ഇപ്പോൾ 14.12% ആണ്.

ഇന്നലത്തെ കണക്കുകൾ

ചി​ല്ലറ വി​ല്പന നാണ്യപ്പെരുപ്പം 7.35%

ഭക്ഷ്യനാണ്യപ്പെരുപ്പം 14.12%

പച്ചക്കറി​ നാണ്യപ്പെരുപ്പം 60.5%