പെരുമ്പാവൂർ: സംസ്ഥാനത്താകെ വിഷരഹിത പച്ചക്കറി ലഭ്യമാക്കുകയെന്ന ലക്ഷ്യത്തോടെ സർക്കാർ നടപ്പിലാക്കുന്ന ' നമ്മുടെ കൃഷി നമ്മുടെ ആരോഗ്യം' ജീവനി പദ്ധതിയുടെ ബ്ലോക്ക് തല ഉദ്ഘാടനം എൽദോസ് കുന്നപ്പിള്ളി എം.എൽ.എ നിർവഹിച്ചു. ഉദ്ഘാടനത്തോട് അനുബന്ധിച്ച് തക്കാളി, വഴുതന, പയർ, പാലക്, മുളക് തുടങ്ങിയ തൈകൾ കൃഷി വകുപ്പിന്റെ നേതൃത്വത്തിൽ വിതരണം ചെയ്തു. വിവിധ പഞ്ചായത്തുകളിലും മുൻസിപ്പാലി​റ്റികളിലുമായി ഒന്നര ലക്ഷത്തോളം തൈകൾ വിതരണം ചെയ്യുകയാണ് ലക്ഷ്യം. ഇതോടനുബന്ധിച്ച് എല്ലാ വീട്ടിലും കറിവേപ്പില, മുരിങ്ങ, പപ്പായ, പലതരം ചീര, വാഴ എന്നിവയുടെ കൃഷി പ്രത്സാഹിപ്പിക്കുകയും പരമ്പരാഗത വിത്തിനങ്ങൾ തിരഞ്ഞെടുത്ത് പ്രചരിപ്പിക്കുകയും ചെയ്യും.കൂടാതെ സ്‌കൂളുകൾ, അങ്കണവാടി തുടങ്ങി പൊതു സ്വകാര്യ സ്ഥാപനങ്ങളിലെ ലഭ്യമായ എല്ലാ സ്ഥലങ്ങളിലും പച്ചക്കറിക്കൃഷി വ്യാപിപ്പിക്കുക, നടീൽ വസ്തു കൈമാ​റ്റ കൂട്ടായ്മകൾ സംഘടിപ്പിക്കുക എന്നിവയും ലക്ഷ്യമിടുന്നു.