വൈപ്പിൻ : സഹകരണ വകുപ്പ് കെയർ ഹോം പദ്ധതിയിൽ 2000 വീടുകൾ കൂടി നിർമ്മിച്ച്‌നൽകുമെന്ന് സഹകരണ മന്ത്രി കടകംപള്ളി സുരേന്ദ്രൻ പ്രഖ്യാപിച്ചു. 2064 വീടുകൾ നിർമ്മിച്ച് നല്കിയിട്ടുണ്ട്. ഓച്ചന്തുരുത്ത് സഹകരണബാങ്ക് ശതാബ്ദി​ സമാപന സമ്മേളനം ഉദ്ഘാടനം ചെയ്യുകയായിരുന്നു മന്ത്രി കടകംപള്ളി. ബാങ്ക് മുരിക്കുംപാടം ശാഖയിൽ ആരംഭിക്കുന്ന ഓസ്‌ക്കോ ഹൈടെക്ക് മെഡിക്കൽ ലാബിന്റെ ഉദ്ഘാടനവും മന്ത്രി നിർവഹിച്ചു. എസ് ശർമ്മ എം എൽ എ അദ്ധ്യക്ഷത വഹിച്ചു. ഹൈബി ഈഡൻ എം പി , എളങ്കുന്നപ്പുഴ പഞ്ചായത്ത് പ്രസിഡൻറ് കെ കെ ഉണ്ണികൃഷ്ണൻ , സഹകരണവകുപ്പ് ജോ. രജിസ്ട്രാർ സുരേഷ് മാധവൻ, ബാങ്ക് പ്രസിഡൻറ് ആൽബി കളരിക്കൽ , വൈസ് പ്രസിഡൻറ് ലോഗസ് ലോറൻസ് , സെക്രട്ടറി എ എസ് .ഗോപാലകൃഷ്ണൻ എന്നിവർ പ്രസംഗിച്ചു. അംഗങ്ങളുടെ മക്കളിൽ ഭിന്നശേഷിക്കാരായവർക്ക് ഏർപ്പെടുത്തിയ പെൻഷൻ സ്‌നേഹസ്പർശം ഉത്ഘാടനം ചെയ്തു. ശതാബ്ദി​ സുവനീറും സഹകാരി കൂടിയായ കനകം രചിച്ച വെറുതെ എന്ന കഥാസമാഹാരവും മന്ത്രി പ്രകാശനം ചെയ്തു.