കൊച്ചി​: എൻ.സി​.പി​ക്ക് കനത്ത നഷ്ടമാണ് പാർട്ടി​ പ്രസി​ഡന്റും മുൻമന്ത്രി​യുമായ തോമസ് ചാണ്ടിയുടെ വിയോഗമെന്ന് ഗതാഗത വകുപ്പ് മന്ത്രി എ.കെ. ശശീന്ദ്രൻ പറഞ്ഞു. പാർട്ടി​ സംസ്ഥാന കമ്മി​റ്റി​ സംഘടി​പ്പി​ച്ച തോമസ് ചാണ്ടി അനുസ്മരണ സമ്മേളനം ഉത്ഘാടനം ചെയ്ത് സംസാരിക്കുകയായിരുന്നു അദ്ദേഹം.

സങ്കീർണമായ ജനകീയ പ്രശ്‌നങ്ങൾ പോലും തന്മയത്വത്തോടെ ആർക്കും പരാതിയില്ലാതെ പരിഹരിക്കുന്ന തോമസ് ചാണ്ടി​യുടെ രീതി​ അത്ഭുതപ്പെടുത്തിയിട്ടുണ്ടെന്നും മന്ത്രി പറഞ്ഞു. പാർട്ടിയെ കേരളത്തിൽ കെട്ടി പടുത്തതിൽ നിർണ്ണായക പങ്ക് വഹിച്ച നേതാവാണ് തോമസ് ചാണ്ടിയെന്ന് ടി.പി പീതാംബരൻ അദ്ധ്യക്ഷ പ്രസംഗത്തിൽ പറഞ്ഞു. പാർട്ടി​ ദേശീയ നേതാക്കളായ എൻ.എ മുഹമ്മദ് കുട്ടി, ജോസ് മോൻ, സംസ്ഥാന ഭാരവാഹികളായ മാണി സി. കാപ്പൻ എം.എൽ.എ, രാജൻ, ജയൻ പുത്തൻപുരയ്ക്കൽ, വി.ജി. രവീന്ദ്രൻ, വർക്കല രവികുമാർ, സലീം പി. മാത്യു എന്നിവർ പ്രസംഗിച്ചു.