പറവൂർ: പുത്തൻവേലിക്കര വിവേകചന്ദ്രികസഭ ശ്രീകുരുന്നിലായ്ക്കൽ ക്ഷേത്രത്തിൽ മഹോത്സവത്തിന് പറവൂർ രാകേഷ് തന്ത്രിയുടെ മുഖ്യകാർമ്മികത്വത്തിൽ കൊടിയേറി.ഇന്ന് വൈകീട്ട് ഡബിൾ തായമ്പക, രാത്രി കലാപരിപാടികൾ, 24ന് വൈകിട്ട് കുട്ടികളുടെ കലാപരിപാടികൾ, ഏഴരയ്ക്ക് പൂമൂടൽ. 25ന് വൈകിട്ട് പണ്ഡിറ്റ് കറുപ്പൻ പ്രതിമ അനാച്ഛാദനം, സാംസ്കാരിക സമ്മേളനവും അവാർഡ്ദാനവും. 26ന് രാവിലെ ഉത്സവബലി, ഉത്സവബലി ദർശനം, വൈകിട്ട് ഗാനമേള. മഹോത്സവദിനമായ 27ന് രാവിലെ ശ്രീബലി, ആനയൂട്ട്, വൈകിട്ട് കാഴ്ചശ്രീബലി, രാത്രി പനാദസ്വരക്കച്ചേരി, പള്ളിവേട്ട, ആറാട്ട് മഹോത്സവദിനമായ 28ന് വൈകിട്ട് ആറാട്ടുബലി തുടർന്ന് ആറാട്ട്, ആറാട്ടുവിളക്ക്, രാത്രി അന്നദാനം, വലിയ കുരുതിതർപ്പണത്തോടെ സമാപിക്കും.