പറവൂർ : പ്രളയാനന്തര പുനർനിർമ്മാണ പ്രവർത്തനങ്ങളുടെ ഭാഗമായി പുനർജനി പറവൂരിന് പുതുജീവൻ പദ്ധതിയിൽ കൊച്ചങ്ങാടി ബേബിക്ക് നിർമ്മിച്ചു നൽകുന്ന വീടിന്റെ തറക്കലിടൽ വി.ഡി. സതീശൻ എം.എൽ.എ നിർവ്വഹിച്ചു. എംഫാർ ഗ്രൂപ്പിന്റെ സാമ്പത്തിക സഹകരണത്തോടെയാണ് വീടു നിർമ്മിക്കുന്നത്. ഭൂരഹിതരായ പതിമൂന്ന് കുടുംബങ്ങൾക്ക് വ്യവസായികളായ അസീമുദ്ദീനും മകൻ നിഷാദും ചേർന്ന് താന്നിപ്പാടത്ത് മൂന്നുസെന്റ് ഭൂമി നൽകിയിരുന്നു. ഇവിടെ ബേബിക്ക് ലഭിച്ച സ്ഥലത്താണ് വീട് നിർമ്മിക്കുന്നത്. എംഫാർ ഗ്രൂപ്പ് ഡയറക്ടർ എം.എം. ബഷീർ, ഹൗസിംഗ് പ്രോജക്ട് എൻജിനീയർ മരിയാദാസ്, പി.എ. ഷംസുദ്ദീൻ, ടി.എ. നവാസ്, സെയ്ത്, ടി.ഡി. ജോസഫ് തുടങ്ങിയവർ പങ്കെടുത്തു.