പറവൂർ : കേരള സ്റ്റേറ്റ് വേട്ടുവ മഹാസഭ താലൂക്ക് സമ്മേളനം വി.ഡി. സതീശൻ എം.എൽ.എ ഉദ്ഘാടനം ചെയ്തു. പി.കെ. ശശി അദ്ധ്യക്ഷത വഹിച്ചു. മോഹനൻ പള്ളത്ത് മുഖ്യാതിഥിയായി. എൻഡോവ്മെന്റും വിദ്യാഭ്യാസ പുരസ്കാരങ്ങളും നഗരസഭ ചെയർമാൻ ഡി. രാജ്കുമാർ വിതരണം ചെയ്തു. ബ്ലോക്ക് പഞ്ചായത്ത് വൈസ് പ്രസിഡന്റ് രമ ശിവശങ്കരൻ പ്രതിഭകളെ ആദരിച്ചു. അഡ്വ. മൻമോഹൻ ബാബു, വി.എൻ. രാമചന്ദ്രൻ, സി.കെ. രാജേന്ദ്രകുമാർ, ടി.വി. ദിലീപ് കുമാർ തുടങ്ങിയവർ സംസാരിച്ചു. പുല്ലംകുളം അംബേദ്കർ പാർക്കിൽ നിന്നാരംഭിച്ച പ്രകടനം സമ്മേളന വേദിയായ വ്യാപാരഭവനിൽ സമാപിച്ചു. പ്രകടനത്തിൽ വിവിധ ശാഖകളിൽ നിന്ന് നുറുകണക്കിന് പേർ പങ്കെടുത്തു.