തൊടുപുഴ ബ്ലോക്ക് പഞ്ചായത്ത് വാർഷിക പദ്ധതിയിൽ ഉൾപ്പെടുത്തി ബ്ലോക്ക് പഞ്ചായത്ത് പരിധിയിൽ പെടുന്ന മുഴുവൻ പഞ്ചായത്തുകളിലും കുള്ളൻ തെങ്ങ്, റംബൂട്ടാൻ, പ്ലാവ്, മങ്കോസ്റ്റിൻ, മാവ്, ഡ്രാഗൺ ഫ്രൂട്ട് തുടങ്ങിയ ഫലവൃക്ഷ തൈകൾ 80ശതമാനം സബ്സിഡി നിരക്കിൽ വിതരണം ചെയ്തു. പദ്ധതിയുടെ ബ്ലോക്ക്തല ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് സിനോജ് എരിച്ചിരിക്കാട്ട് നിർവ്വഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് പ്രിൻസി സോയി, മെമ്പർമാരായ അന്നമ്മ ചെറിയാൻ, ബീന ജോർജ്ജ്, ഔസേപ്പച്ചൻ ചാരക്കുന്നത്ത്, കൃഷി ഓഫീസർ സുജിതാമോൾ തുടങ്ങിയവർ പ്രസംഗിച്ചു.