കരിമണ്ണൂർ: കരിമണ്ണൂർ സെന്റ് ജോസഫ്സ് ഹയർ സെക്കൻഡറി സ്‌കൂൾ വാർഷികാഘോഷവും അദ്ധ്യാപകരക്ഷാകർതൃദിനവും യാത്രയയപ്പ് സമ്മേളനവും നടന്നു. സംസ്ഥാന അദ്ധ്യാപക പുരസ്‌കാര ജേതാവ് ഹെഡ്മാസ്റ്റർ ജോയിക്കുട്ടി ജോസഫ്, ഹയർ സെക്കൻഡറി അദ്ധ്യാപകരായ സാബു മാത്യു, കെ.സി. ബെന്നി,ഹൈസ്‌കൂൾ അദ്ധ്യാപിക റെജീന ലോറൻസ് എന്നിവർക്കാണ് യാത്രയയപ്പ് നൽകിയത്. സ്‌കൂൾ മാനേജർ ഫാ. ഡോ. സ്റ്റാൻലി പുൽപ്രയിൽ പതാകയുയർത്തി. പൊതുസമ്മേളനം പി.ജെ. ജോസഫ് എം. എൽ. എ ഉദ്ഘാടനം ചെയ്തു. അഡ്വ. ഡീൻ കുര്യാക്കോസ് എം. പി മുഖ്യപ്രഭാഷണവും കോതമംഗലം കോർപ്പറേറ്റ് എഡ്യൂക്കേഷണൽ ഏജൻസി സെക്രട്ടറി ഫാ.ഡോ. സ്റ്റാൻലി കുന്നേൽ യാത്രയയപ്പ് സന്ദേശവും നൽകി. പ്രിൻസിപ്പൽ ചെറിയാൻ ജെ. കാപ്പൻ വാർഷിക
റിപ്പോർട്ട് അവതരിപ്പിച്ചു. കരിമണ്ണൂർ പഞ്ചായത്ത് പ്രസിഡന്റ് ദേവസ്യ ദേവസ്യ, ജില്ലാ പഞ്ചായത്തംഗം മനോജ് തങ്കപ്പൻ, ബ്ലോക്ക് പഞ്ചായത്തംഗം ബേസിൽ ജോൺ, പി,ടി.എ പ്രസിഡന്റ് ലിയോ കുന്നപ്പിള്ളി, എംപിടി.എ പ്രസിഡന്റ് റാണി ഷിമ്മി, ബിന്ദു പി. കുര്യാക്കോസ്, ബിജു ജോസഫ്, സ്‌കൂൾ ലീഡർ ആൻസ് മരിയ ജോണി എന്നിവർ പ്രസംഗിച്ചു. ഷേർളി ജോൺ വടക്കേക്കര സ്വാഗതവും ബിന്ദു തോമസ് നന്ദിയും പറഞ്ഞു.