കരിമണ്ണൂർ: വിന്നേഴ്‌സ് പബ്ലിക് സ്‌കൂൾ വാർഷികം 'നൂപുരം2020' ആഘോഷിച്ചു. പി.ജെ. ജോസഫ് എം.എൽ.എ ഉദ്ഘാടനം ചെയ്തു. ചൈൽഡ് വെൽഫെയർ കമ്മിറ്റി ചെയർമാൻ പ്രൊഫ. ജോസഫ് അഗസ്റ്റിൻ അദ്ധ്യക്ഷത വഹിച്ചു. താലൂക്ക് ഇമാം കൗൺസിൽ ചെയർമാൻ ഹാഫിസ് നൗഫൽ കൗസരി മുഖ്യപ്രഭാഷണം നടത്തി. കലാസന്ധ്യയുടെ ഉദ്ഘാടനം സിനിമാ പിന്നണി ഗായിക ഹന്നാ റെജി നിർവഹിച്ചു. സ്‌കൂൾ മാനേജർ എം.പി. വിജയനാഥൻ, സിബി കുഴിക്കാട്ട്, സുകുകുമാർ, ടി.കെ. നവാസ്, രമ്യ റെജി, അശ്വിൻ സിബി, അലീന ബിജു എന്നിവർ പ്രസംഗിച്ചു. തുടർന്ന് കുട്ടികളുടെ കലാപരിപാടികളും അരങ്ങേറി.