തൊടുപുഴ: യുവജന വിഭാഗംതങ്ങളുടെ കർമശേഷി രാഷ്ട്ര പുനർ നിർമാണത്തിനു വേണ്ടി വിനിയോഗിക്കണമെന്ന് . ഡീൻ കുര്യാക്കോസ് എം. പി അഭിപ്രായപ്പെട്ടു. . ജില്ലാ നെഹ്‌റു യുവ കേന്ദ്രയുടെ ആഭിമുഖ്യത്തിൽ തൊടുപുഴ അർബൻ ബാങ്ക് ഓഡിറ്റോറിയത്തിൽ സംഘടിപ്പിച്ച ദേശീയ യുവജന വാരഘോഷങ്ങളുടെ ജില്ലാതല ഉദ്ഘാടനം നിർവഹിച്ചു കൊണ്ട് സംസാരിക്കുക ആയിരുന്നു എം.പി. തൊടുപുഴ നഗരസഭ ചെയർപേഴ്‌സൺ പ്രൊഫ. ജെസി ആന്റണി അദ്ധ്യക്ഷത വഹിച്ചു. നെഹ്‌റു യുവ കേന്ദ്ര ജില്ലാ യൂത്ത് കോർഡിനേറ്റർ കെ. ഹരിലാൽ പദ്ധതികളെക്കുറിച്ച് വിശദീകരിച്ചു. മികച്ച സംഘടനക്കുള്ള 25000 രൂപയുടെ ക്യാഷ് അവാർഡും വിവിധ സംഘടനക്കുള്ള കായിക ഉപകരണങ്ങളും ചടങ്ങിൽ വിതരണം ചെയ്തു. 'ഫിലോസഫി ഓഫ് സ്വാമി വിവേകാനന്ദ' എന്ന വിഷയത്തെ ആസ്പദമാക്കി സ്വാമി അയ്യപ്പ ദാസ് പ്രഭാഷണം നടത്തി. ജില്ലാ യൂത്ത് പ്രോഗ്രാം ഓഫീസർ വി.എസ്. ബിന്ദു, എൻ. രവീന്ദ്രൻ, നിഖിൽ മുരളി എന്നിവർ സംസാരിച്ചു. തുടർന്ന് 'മാമാങ്കം 2020' എന്ന പേരിൽ ജില്ലാതല കലാമേള സംഘടിപ്പിച്ചു. തിരുവാതിര മത്സരത്തിൽ ഒന്നാം സ്ഥാനം ന്യൂമാൻ കോളേജ് തൊടുപുഴയും രണ്ടാം സ്ഥാനം കോ ഓപ്പറേറ്റീവ് കോളേജ് തൊടുപുഴയും മൂന്നാം സ്ഥാനം മൂലമറ്റം സെന്റ്. ജോസഫ് അക്കാഡമിയും കരസ്ഥമാക്കി. വിജയികൾക്ക് സർട്ടിഫിക്കററ്റും ട്രോഫിയും ചടങ്ങിൽ വിതരണം ചെയ്തു.