കാഞ്ഞങ്ങാട്: ഉണ്ണിമിശിഹാ ഫൊറോന ദേവാലയത്തിൽ ഉണ്ണീശോയുടെയും വിശുദ്ധ കന്യാമറിയത്തിന്റെയും വിശുദ്ധ സെബസ്ത്യാനോസിന്റെയും തിരുനാളിന് നാളെ വൈകുന്നേരം 4 ന് ഫൊറോന വികാരി ഫാ. മാത്യു പരവരാകത്ത് കൊടിയേറ്റും. തുടർന്ന് ജപമാല, 5 മണിക്ക് കാലിച്ചാനടുക്കം സെന്റ് ജോസഫ്സ് പള്ളി വികാരി ഫാ.ലൂയിസ് മരിയദാസ് മേനാച്ചേരിയുടെ നേതൃത്വത്തിൽ ആഘോഷമായ ദിവ്യബലി, വചനസന്ദേശം, നൊവേന. 6.30 ന് ദിവ്യകാരുണ്യ പ്രദക്ഷിണം. 10 ന് 6.45 ന് ഭക്തസംഘടനകളുടെ വാർഷികം കാഞ്ഞങ്ങാട് അപ്പസ്തോലറാണി ഫൊറോനപള്ളി വികാരി ഫാ.തോമസ് കൊറ്റിയാത്ത് ഉദ്ഘാടനം ചെയ്യും. തുടർന്ന് കലാസന്ധ്യ. 11 ന് വൈകീട്ട് 5 മണിക്ക് ഫാ. സ്‌കറിയാ കല്ലൂരിന്റെ നേതൃത്വത്തിൽ ദിവ്യബലി. 6.45 ന് നഗരപ്രദക്ഷിണം. 12 ന് രാവിലെ 9 ന് പടന്നക്കാട് നല്ലിയിടയൻ ദേവാലയ വികാരി ഫാ. തോമസ് തയ്യിലിന്റെ നേതൃത്വത്തിൽ ആഘോഷമായ റാസ കുർബാന. തുടർന്ന് ലദീഞ്ഞ്, സമാപനാശീർവാദം.