രാവണീശ്വരം: കളരിക്കാൽ ശ്രീ മുളവന്നൂർ ഭഗവതീ ക്ഷേത്രം നാരന്തട്ട തറവാട് ഉപദേവസ്ഥാനം കളരിക്കൽ താനത്തിങ്കാൽ വയനാട്ടുകുലവൻ തെയ്യം കെട്ട് മഹോത്സവത്തിന്റെ പ്രചാരണ ബ്രോഷർ കാഞ്ഞങ്ങാട് ഡിവൈ.എസ്.പി പി.കെ സുധാകരൻ കളരിക്കൽ മുളവന്നൂർ ഭഗവതി ക്ഷേത്രം കർമ്മി രാഘവൻ അന്തിത്തിരിയന് നൽകി പ്രകാശനം ചെയ്തു. പ്രചാരണ കമ്മിറ്റി ചെയർമാൻ എം. കൃഷ്ണൻ തോട്ടത്തിൽ അധ്യക്ഷത വഹിച്ചു. ആഘോഷ കമ്മിറ്റി ചെയർമാൻ എൻ. മുരളീധരൻ നമ്പ്യാർ, കാഞ്ഞങ്ങാട് ബ്ലോക്ക് പഞ്ചായത്ത് വൈസ് പ്രസിഡന്റ് കരുണാകരൻ കുന്നത്ത്, എം. കുഞ്ഞിരാമൻ മൊട്ടമ്മൽ, നാരായണൻ വെളിച്ചപ്പാടൻ, ആഘോഷ കമ്മിറ്റി ജനറൽ കൺവീനർ ടി. ശശിധരൻ, എ. തമ്പാൻ മക്കാക്കോട്, വി.വി മുകുന്ദൻ, ഗീതാ ബാലൻ, യു.എ.ഇ പ്രചാരണ കമ്മിറ്റി വൈസ് ചെയർമാൻ ദിവാകരൻ വേങ്ങയിൽ, പുഷ്പ ഗോവിന്ദൻ എന്നിവർ സംസാരിച്ചു. അനീഷ് പി. ദീപം സ്വാഗതവും ആഘോഷ കമ്മിറ്റി ട്രഷറർ സി. ബാലൻ നന്ദിയും പറഞ്ഞു.

പാലക്കുന്ന് കഴകം ഭഗവതീ ക്ഷേത്രം ധനുമാസത്തിലെ ചെറിയ കലം കനിപ്പിനോടനുബന്ധിച്ച് താഴെ ക്ഷേത്ര ഭണ്ഡാര വീട്ടിൽ നിന്നും മേലെ ക്ഷേത്രത്തിലേക്ക് ഭണ്ഡാരക്കലം എത്തുന്നു