മട്ടന്നൂർ: കേരള അറബിക് ടീച്ചേഴ്‌സ് ഫെഡറേഷൻ ജില്ലാ സമ്മേളനം 14,15 തിയതികളിൽ മട്ടന്നൂരിൽ നടക്കും. ചൊവ്വാഴ്ച ഉച്ചയ്ക്ക് 1.30ന് തലമുറ സംഗമം അബ്ദുറഹ്മാൻ കല്ലായി ഉദ്ഘാടനം ചെയ്യും. 15ന് രാവിലെ ഒമ്പതിന് പ്രതിനിധി സമ്മേളനം സംസ്ഥാന വൈസ് പ്രസിഡന്റ് കെ.കെ.അബ്ദുള്ള ഉദ്ഘാടനം ചെയ്യും. കെ.സി.ഹബീബ് തങ്ങൾ മുഖ്യപ്രഭാഷണം നടത്തും. 15 ഉപജില്ലകളിൽ നിന്നുള്ള പ്രതിനിധികൾ പങ്കെടുക്കും. രാവിലെ പത്തിന് ജില്ലാ സമ്മേളനം കെ.സുധാകരൻ എം.പി. ഉദ്ഘാടനം ചെയ്യും. സംസ്ഥാന പ്രസിഡന്റ് ഇബ്രാഹിം മുതൂർ, ജനറൽ സെക്രട്ടറി എം.വി.അലിക്കുട്ടി തുടങ്ങിയവർ പ്രസംഗിക്കും. 11.30ന് വനിതാസംഗമം മട്ടന്നൂർ നഗരസഭാദ്ധ്യക്ഷ അനിതാ വേണു ഉദ്ഘാടനം ചെയ്യും. ഉച്ചയ്ക്ക് 1.30ന് വിദ്യാഭ്യാസ സെമിനാർ വിദ്യാഭ്യാസ ഉപഡയറക്ടർ ടി.പി. നിർമ്മലാദേവി ഉദ്ഘാടനം ചെയ്യും. ഉച്ചയ്ക്ക് 2.30ന് യാത്രയയപ്പ് സമ്മേളനം മുസ്ലിംലീഗ് സംസ്ഥാന വൈസ് പ്രസിഡന്റ് വി.കെ.അബ്ദുൾ ഖാദർ മൗലവി ഉദ്ഘാടനം ചെയ്യും. വാർത്താസമ്മേളത്തിൽ അൻസാരി തില്ലങ്കേരി, ഇ.പി.ഷംസുദ്ദീൻ, കെ.കെ.അബ്ദുള്ള, എം.പി.അയൂബ്, പി.വി.സഹീർ, വി.റജ്‌നാസ്, പി.പി.ഹിദായത്തുള്ള തുടങ്ങിയവർ പങ്കെടുത്തു.