കാഞ്ഞങ്ങാട്: സംസ്ഥാന സാക്ഷരതാ മിഷൻ അതോറിറ്റി നടത്തുന്ന ഇന്ത്യ എന്ന റിപ്പബ്ലിക് കലാജാഥയ്ക്ക് ആലാമിപ്പള്ളി ബസ് സ്റ്റാൻഡ് പരിസരത്ത് സ്വീകരണം നൽകി. നഗരസഭാ ചെയർമാൻ വി.വി രമേശൻ ഉദ്ഘാടനം ചെയ്തു. ബ്ലോക്ക് പഞ്ചായത്ത പ്രസിഡന്റ് എം. ഗൗരി അധ്യക്ഷത വഹിച്ചു. സാക്ഷരതാ മിഷൻ അസി. ഡയറക്ടർ സന്ദീപ് ചന്ദ്രൻ മുഖ്യപ്രഭാഷണം നടത്തി. ഷാജു ജോൺ വിശദീകരണം നടത്തി. സ്റ്റാൻഡിംഗ് കമ്മിറ്റി ചെയർമാന്മാരായ ഗംഗാ രാധാകൃഷ്ണൻ, എൻ. ഉണ്ണികൃഷ്ണൻ, ടി.വി ഭാഗീരഥി, കൗൺസിലർ കെ.വി ഉഷ എന്നിവർ പ്രസംഗിച്ചു. തുടർന്ന് കലാ ജാഥാ ടീമംഗങ്ങൾ പരിപാടികൾ അവതരിപ്പിച്ചു. നഗര സഭ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ മഹമൂദ് മുറിയാനാവി സ്വാഗതവും നോഡൽ പ്രേരക് ആയിഷ മുഹമ്മദ് നന്ദിയും പറഞ്ഞു.