കൊയിലാണ്ടി: വിവാഹ വീട്ടിൽവച്ച് പരിചയപ്പെട്ട പതിനഞ്ചുകാരിയെ പീഡിപ്പിച്ച കേസിൽ മൂന്നു പേരെ കൊയിലാണ്ടി പൊലീസ് അറസ്റ്റ് ചെയ്തു. കാക്കൂർ സ്വദേശികളായ തലപ്പൊയിൽ രതിൻലാൽ എന്ന പൊന്നു ജിതിൻ (22), തലപ്പൊയിൽ ഷിജോ രാജ് എന്ന ഉണ്ണി (22) കാക്കൂർ തീർത്തങ്കര മീത്തൽ നവീൻ എന്ന ചക്കര (25) തുടങ്ങിയവരാണ് അറസ്റ്റിലായത്.

ഇക്കഴിഞ്ഞ ഏപ്രിൽ മാസമാണ് കേസിനാധാരമായ സംഭവം. വിവാഹ വീട്ടിൽ വെച്ച് പരിചയപ്പെട്ട കുട്ടിയെ നിരന്തരം ഫോൺ ചെയ്ത് ബന്ധം പുതുക്കി കഴിഞ്ഞ മാസം 30ാം തിയ്യതി കാലത്ത് 11 മണിയോടെ ബാലുശ്ശേരിയിൽ നിന്ന് മോട്ടോർ സൈക്കിളിൽ പൊൻകുന്ന് മലയിൽ കൊണ്ടുപോയി പീഡിപ്പിക്കുകയായിരുന്നു.

കുട്ടി അസ്വസ്ഥത പ്രകടിപ്പിച്ചതിനെ തുടർന്നാണ് പീഡനവിവരം പുറത്തറിയുന്നത്. കൊയിലാണ്ടി സി.ഐ.കെ.ഉണ്ണികൃഷ്ണന് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ അന്വേഷണത്തിൽ എസ്.ഐ.കെ.മുനീർ വനിതാ സീനിയർ സിവിൽ പൊലീസ് ഓഫീസർ ശ്രീലത. സി.പി.ടി.കെ.ഒ.ഷംസുദ്ധീൻ തുടങ്ങിയവർ ചേർന്നാണ് യുവാക്കളെ അറസ്റ്റ് ചെയ്തത്.പ്രതികളെ കോടതിയിൽ ഹാജരാക്കും