കോഴിക്കോട്: പൗരത്വ നിയമഭേദഗതി പിൻവലിക്കണമെന്നാവശ്യപ്പെട്ട് 12ന് കോഴിക്കോട് കടപ്പുറത്ത് നടക്കുന്ന ഭരണഘടനാ സംരക്ഷണ മഹാറാലി മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. വിവിധ സാമൂഹ്യസാംസ്‌കാരിക രാഷ്ട്രീയ സംഘടനാ നേതാക്കൾ പങ്കെടുക്കും.

ഉന്നത പൊതുവിദ്യാഭ്യാസ വകുപ്പ് മന്ത്രി കെ.ടി.ജലീൽ, സമസ്ത ജനറൽ സെക്രട്ടറി പ്രൊഫ.ആലിക്കുട്ടി മുസല്യാർ , ഹജ്ജ് കമ്മറ്റി ചെയർമാൻ സി.മുഹമ്മദ് ഫൈസി, കെ.എൻ.എം പ്രസിഡന്റ് ടി.പി.അബ്ദുള്ളകോയ മദനി, കെ.എൻ.എം ജനറൽ സെക്രട്ടറി സി.പി.ഉമർ സുല്ലമി, എം.ഇ.എസ് പ്രസിഡന്റ് ഡോ.ഫസൽ ഗഫൂർ, എം.എസ്.എസ് പ്രസിഡന്റ് സി.പി.കുഞ്ഞുമുഹമ്മദ്, ടി.കെ.അഷറഫ് , കോഴിക്കോട് രൂപത ബിഷപ്പ് ഫാദർ ഡോ.വർഗീസ് ചക്കാലക്കൽ , മലബാർ ഡയസിസ് ബിഷപ്പ് ഫാദർ ഡോ.റോയ്‌സ് മനോ‌ജ് വിക്ടർ , സ്വാമി സന്ദീപാനന്ദഗിരി, എം.പി.വീരേന്ദ്രകുമാർ, എളമരംകരീം, പന്ന്യൻ രവീന്ദ്രൻ, പ്രൊഫ.അബ്ദുൾവഹാബ്, സി.കെ.നാണു, യു.എ.ഖാദർ, കെ.പി.രാമനുണ്ണി, ഖദീജാ മുംതാസ് തുടങ്ങിയവർ റാലിയെ അഭിസംബോധന ചെയ്യും.