പയ്യോളി:ഇരിങ്ങൽ വിഷ്ണു ക്ഷേത്രത്തിനു സമീപം താമസിക്കുന്ന ഓട്ടോതൊഴിലാളിയായ കുളത്തും താഴ ഷാജഹാന്റെയും ശബാനയുടെയും മകൾ ഖെൻസ ബീവി (3) പനി ബാധിച്ചു മരിച്ചു .ഒരാഴ്ചയിലധികം വടകരയിലെ സ്വകാര്യ ആശുപത്രിയിൽ ചികിത്സയിലായിരുന്ന കുട്ടിയെ പനി രൂക്ഷമായതിനെ തുടർന്ന് കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിക്കുകയായിരുന്നു.

മരിച്ച കുട്ടിയുടെ സഹോദരൻ അബ്ദുൽ ഫത്താഹ്,പിതൃസഹോദരങ്ങളുടെ മക്കളായ അബ്ദുൽ ശാമിൽ,ഷാനിബ,ഷഹബാസ് എന്നിവരെയും പനി ബാധയെ തുടർന്ന് മെഡിക്കൽ കോളേജിൽ പ്രവേശിച്ചിട്ടുണ്ട്.പനി മരണത്തെ തുടർന്ന് ഇരിങ്ങളിലും പരിസരത്തും മുൻകരുതൽ നടപടികൾ എടുക്കാൻ ഡിഎംഒ ജയശ്രീ ഉത്തരവ് നൽകിയിട്ടുണ്ട്.ഇരിങ്ങൽ മെഡിക്കൽ ഓഫീസർ ഡോക്ടർ ബിജുവിന്റെയും വടകര ജില്ലാ ആശുപത്രി സുപ്രണ്ടിന്റെയും നേതൃത്വത്തിൽ ബോധവൽക്കരണ പ്രവർത്തനം നടത്തുന്നുണ്ട്.ആശുപത്രിയിൽ ചികിത്സ നേടിയ കുട്ടികളുടെ പരിശോധനാ റിപ്പോർട്ടിൽ ആശങ്കപ്പെടേണ്ടതൊന്നുമില്ലെന്നു ഡിഎംഒ അറിയിച്ചു.