ഫറോക്ക്: കരുവൻതിരുത്തി മഠത്തിൽപാടത്ത് വെസ്റ്റ് നല്ലൂർ റോഡിൽ ചാത്തേങ്ങത്തറ ആസ്യയുടെ റോസ് മഹലിൽ വൻമോഷണം. സ്വർണ്ണാഭരങ്ങളും മൊബൈലുകളും വീടിന് മുന്നിൽ നിറുത്തിയിട്ട ഇരുചക്രവാഹനവും കളവ് പോയി. ഇന്നലെ പുലർച്ചെയാണ് മോഷണം. മരത്തിലൂടെ വീടിനു മുകളിൽ കയറിയാണ് മോഷ്ടാവ് അകത്തു കയറിയതെന്ന് സംശയിക്കുന്നു.​ വീട്ടിൽ നിർമ്മാണ പ്രവൃത്തി നടക്കുന്നതിനാൽ മുകൾനിലയിലെ കോണി​പ്പുരയുടെ വാതിൽ തുറന്നിട്ട നിലയിലായിരുന്നുവെന്നു വീട്ടുകാർ പറഞ്ഞു.

വീടിന് മുകളിലെത്തിയ മോഷ്ടാവ് ഈ വഴി താഴെത്തെ നിലയിലെ ​ കിടപ്പുമുറിയിൽ ​ ഉറങ്ങുകയായിരുന്ന​ ​ആ​സ്യ​യയുടെ മകൾ ഫസീലയുടെ കാലിൽ അണിഞ്ഞിരുന്ന 8 പവൻ തൂക്കം വരുന്ന സ്വർണപാദസരം, ഒരു ലക്ഷം രൂപയോളം വിലവരുന്ന 4 മൊബൈൽ ഫോണുകൾ,​ ​വീടിന്റെ കാർ പോർച്ചിൽ നിറുത്തിയിട്ട ഹോണ്ട സ്‌കൂട്ടർ എന്നിവയാണ് കളവ് പോയത്. വീട്ടുടമയുടെ പരാതിയിൽ ഫറോക്ക് എസ് ഐ ​എം.സി ​ഹരീഷിന്റെ നേ​തൃ​ത്വത്തിലുള്ള ​പൊ​ലീസ് സംഘം പരിശോധന നടത്തി. ഡോഗ് സ്‌ക്വാഡും വിരലടയാള വിദഗ്ധരും വീട്ടിലെത്തി തെളിവുകൾ ശേഖരിച്ചു. സമീപത്തെ കെട്ടിടത്തിലെ സി സി​ ​ടി വി ദൃശ്യങ്ങൾ പൊലീസ് പരിശോധിച്ചുവരികയാണ്. ​