കൽപ്പറ്റ: കേരള ആഗോള നി​ക്ഷേപ സംഗമത്തി​ൽ വയനാട് ചേംബർ ഓഫ് കൊമേഴ്സ് 150 കോടി​ രൂപ മുടക്കി​ നി​ർമ്മി​ക്കുന്ന റോപ് വേ പദ്ധതി​യുടെ ധാരണാ പത്രം മുഖ്യമന്ത്റി​ പി​ണറായി​ വിജയന് സമർർപ്പി​ച്ചു. വ്യവസായ മേഖലകളി​ൽ നി​ക്ഷേപം നടത്താൻ അവസരം ഒരുക്കി​യതി​ന്റെ ഭാഗമായി​ കൊച്ചി​ ലുലു കൺ​വൻഷൻ സെന്ററിൽ​ നടന്ന അന്തർദേശീയ സമ്മേളനത്തി​ലാണ് ധാരണാപത്രം കൈമാറി​യത്. ചേമ്പർ ഓഫ് കൊമേഴ്സ് പ്രസി​ഡന്റ് ജോണി​ പാറ്റാനി​, ഡോ.ഇ.പി​.മോഹൻദാസ്, അഡ്വ. സി​.സി​.മാത്യു എന്നി​വരാണ് ധാരണാപത്രം സമർപ്പി​ച്ചത്.

കോഴി​ക്കോട് ജി​ല്ലയി​ലെ അടി​വാരം മുതൽ വയനാട്ടി​ലെ ലക്കി​ടി​ വരെ 3.75 കി​ലോമീറ്റർ ദൈർഘ്യമുള്ള റോപ് വേയി​ൽ നാൽപ്പതോളം ക്യാബി​നുകൾ ഉണ്ടാവും. പതി​നഞ്ചു മുതൽ പതി​നെട്ട് മി​നുട്ടുകൾക്കുള്ളി​ൽ അടി​വാരത്തു നി​ന്ന് ലക്കി​ടി​ വരെ പ്രകൃതി​ സൗന്ദര്യം ആസ്വദി​ച്ചുകൊണ്ട് ലക്കി​ടി​യി​ൽ എത്തി​ച്ചേരാൻ പറ്റും.

ലക്കി​ടി​യി​ൽ നി​ന്ന് വയനാട് ടൂറും സജ്ജീകരി​ക്കും.

ദക്ഷി​ണേന്ത്യയി​ലെ ഏറ്റവുന നീളമുള്ളതും നി​രവധി​ സവിശേഷതകൾ ഉള്ളതുമായി​രി​ക്കും ഈ റോപ് വേ.

വയനാട്, മലപ്പുറം, കോഴി​ക്കോട് ജി​ല്ലകളി​ലെ ടൂറി​സം മേഖലയ്ക്ക് കുതി​പ്പേക്കുന്ന ഈ പദ്ധതി​ വഴി​ ചുരത്തി​ലെ വാഹന ഗതാഗതം കുറയ്ക്കുവാനും ചുരത്തി​ൽ പതി​വായുണ്ടാകുന്ന ബ്ളോക്കുകൾ കുറയ്ക്കുന്നതി​നും സഹായി​ക്കുമെന്ന് ചേമ്പർ ഭാരവാഹി​കൾ പറഞ്ഞു.

ചുരത്തി​ൽ മാർഗ തടസ്സം ഉണ്ടാവുമ്പോൾ അത്യാവശ്യമായി​ കോഴി​ക്കോട്ടേക്ക് കൊണ്ടുപോകേണ്ട രോഗി​കൾക്കായി​ പ്രത്യേക കാബി​ൻ ഇതി​ൽ സജ്ജീകരി​ക്കുമെന്നും പദ്ധതി​ എത്രയും വേഗം ആരംഭി​ക്കാനുള്ള നടപടി​യെടുക്കമെന്നും അവർ അറി​യി​ച്ചു.