കോഴിക്കോട്: കാഴ്ചപരിമിതരുടെ പുനരധിവാസം ലക്ഷ്യമിട്ടും അവർക്ക് ഐക്യദാർഢ്യം പ്രഖ്യാപിച്ചും ഏപ്രിൽ അഞ്ചിന് കോഴിക്കോട്ട് മാരത്തോൺ സംഘടിപ്പിക്കും. രാവിലെ കടപ്പുറത്ത് നിന്നായിരിക്കും തുടക്കം. മഹാത്മാ ഐ റിസർച്ച് ഫൗണ്ടേഷൻ, ജില്ലാ സ്പോർട്സ് കൗൺസിൽ, പ്രസ് ക്ളബ്ബ്, ഐ.എം.എ വിമൻസ് വിംഗ് എന്നിവയുടെ നേതൃത്വത്തിലാണ് മാരത്തോൺ.

എം.ഇ.ആർ.എഫ് മാരത്തോൺ 2020 സംഘാടക സമിതി ഭാരവാഹികളായി മേയർ തോട്ടത്തിൽ രവീന്ദ്രൻ (രക്ഷാധികാരി)​ ജില്ലാ സ്പോർട്സ് കൗൺസിൽ പ്രസിഡന്റ് ഒ.രാജഗോപാൽ (ചെയർമാൻ)​,​ ഡോ.സുരേഷ് പുത്തലത്ത് (ജനറൽ കൺവീനർ)​,​ സ്പോർട്സ് കൗൺസിൽ മുൻ പ്രസിഡന്റ് കെ.ജെ.മത്തായി (വൈസ് ചെയർമാൻ)​ എന്നിവരെ തിരഞ്ഞെടുത്തു.

യോഗത്തിൽ ഫിസിക്കൽ എഡ്യൂക്കേഷൻ കോളേജ് പ്രിൻസിപ്പൽ ഡോ.റോയ്, മധുസൂദനൻ കർത്ത, ഡോ.ദ്വിദീപ് ചന്ദ്ര, എന്നിവർ സംസാരിച്ചു. രവീന്ദ്രവർമ്മ രാജ നന്ദി പറഞ്ഞു.