കോഴിക്കോട്: മാലിന്യ സംസ്കരണ രംഗത്തെ മികച്ച പ്രവർത്തനം കണക്കിലെടുത്ത് കോഴിക്കോട് കോർപ്പറേഷന് സംസ്ഥാന സർക്കാറിന്റെ അംഗീകാരവും ഉപഹാരവും. കഴിഞ്ഞ ദിവസം തിരുവനന്തപുരത്ത് നടന്ന ശുചിത്വ സംഗമത്തിൽ തദ്ദേശഭരണ വകുപ്പു മന്ത്രി എസി മൊയ്തീനിൽ നിന്ന് കോർപ്പറേഷൻ ഡെ. മേയർ മീരദർശക് ഉപഹാരം ഏറ്റുവാങ്ങി. മുഖ്യമന്ത്രി പിണറായി വിജയൻ, ആരോഗ്യ വകുപ്പു മന്ത്രി കെ കെ ശൈലജ , കൃഷി മന്ത്രി സുനിൽകുമാർ, ധനമന്ത്രി തോമസ് ഐസക് വികെ പ്രശാന്ത്എംഎൽഎ, ഹരിത കേരള മിഷൻ വൈസ് ചെയർ പേർസൺ ടിഎൻ സീമ, ശുചിത്വമിഷൻ എക്സി.ഡയറക്ടർ, മീർ മുഹമ്മദലി എന്നിവർ പങ്കെടുത്തു. കോഴിക്കോട് കോർപ്പറേഷനു വേണ്ടി വിഷയാവതരണത്തിൽ ഹെൽത്ത് ഇൻസ്പെക്ടർമാരായ സികെ വത്സൻ, റിഷാദ് എന്നിവർ പങ്കെടുത്തു.